Honanmu Ehuhudze Hwɛ Akɔndɔbɔn, Akɔndɔbɔn-dze; Awartõ; Ndwamanbɔ iyi so Etõ awar, ebɔ edwaman, ɔbanyin nye ɔbanyin adapaadzeyɛ su, ɔbaa nye ɔbaa adapaadzeyɛ su, nye wo busuanyi adapaadzeyɛ, anaa enye obi fa kwan a ho nntsew mu, a ɔnnyɛ no kwan do, anaa efĩfĩ ndwamandze ne nyɛe enyidaho ara. Ma yɛmma hɛn egya nnom nsã, na yɛnye no nkɛda, Gen. 19:30–36. Reuben kɔree na ɔnye n’egya no nwewee Bilhah kɛdae, Gen. 35:22 (Gen. 49:4; 1 Mber. 5:1). Su a enye banyin bɛda dɛ mbrɛ enye ɔbaa da na nyimpa nye mbowa bɛda no yɛ ekyiwadze, Lev. 18:22–23. Sɛ ɔbanyin kyer ɔbaa na ɔnye no da a, ɔno ɔbanyin no nko na odzifɔ wɔ bɔn ho, Deut. 22:25–27. Obiara a ɔhwɛ ɔbaa na no kɔn dɔ no no, ɔatõ awar wɔ n’akoma mu, Matt. 5:28 (3 Ne. 12:28). Ndwamansɛm, efĩfĩdze, akɔndɔ-nhyɛdo yɛ abosonsɔr, Col. 3:5. Nda a odzi ekyir no nyimpa bɛyɛ dɛ wonnyi awoo-su dɔ, 2 Tim. 3:1–3. Ndwamandze yɛ ekyiwadze, Alma 39:3–5.