Anohoba Asaase Nsaase a Ewuradze dze bɔ N’akãdofo agyedzifo anohoba dɛ ɔyɛ hɔn nye hɔn asefo so egyapadze aber nyina. Nsaase pii na wɔdze abɔ anohoba. Aber nyina wɔ Mormon Nwoma mu no, asaase a wɔdze bɔɔ anohoba a wɔkã ho asɛm nye America asaase tɔw do. W’asefo na medze asaase yi mebɛma hɔn, Gen. 12:7 (Abr. 2:19). Medze Canaan asaase mebɛma ɔwo nye w’asefo, Gen. 17:8 (Gen. 28:13). Moses kyerɛɛ asaase a ɔyɛ Israel dze wɔ Canaan no n’ahe, Nka. 34:1–12 (Nka. 27:12). Wobegya hom akɔ anohoba asaase no do, 1 Ne. 2:20 (1 Ne. 5:5). Ewuradze gya atseneneefo kɔ nsaase a ɔyɛ ahomka do, 1 Ne. 17:38. Sɛ Nephi n’asefo dzi Nyankopɔn ne mbrasɛm do a, wɔbɛyɛ prɔmprɔm wɔ anohoba asaase no do, 2 Ne. 1:5–9. Israel bɛsan akɔ hɔn anohoba nsaase no do, 2 Ne. 24:1–2 (Isa. 14:1–2). Ɔman biara a ne nsa bɛkã dɛm asaase a wɔdze bɔɔ anohoba yi no wɔ dɛ ɔsom Nyankopɔn, annyɛ dɛm a wobotwa no akyen, Ether 2:9–12. Iyi nye anohoba asaase no, nye bea a ɔwɔ hɔ dze ma Zion kuropɔn no, N&A 57:2. Judah botum ahyɛ ase aba Abraham nsaase do, N&A 109:64. Wɔbɛkyekyer Jerusalem Fofor no wɔ America asaase tɔw do, G ho N 1:10.