Nsakyeree

Peter, James, na John hun Ewuradze a wɔahyɛ no enyimnyam na wɔasakyer no wɔ hɔn enyim. Agyenkwa no nna ɔabɔ anohoba dada dɛ Peter ne nsa bɛkã ɔsor ahenman no ne nsaafee (Matt. 16:13–19; 17:1–9; Mark 9:2–10; Luke 9:28–36; 2 Pet. 1:16–18). Dza ohia a osii yi, Agyenkwa no, Moses, na Elias (Elijah) dze asɔfodzi ho nsaafee a ɔabɔ ho anohoba no maa Peter, James, na John. Asɔfodzi nsaafee yinom, maa Asomafo no nyaa tum a wɔdze bɔsɔw ahenman no no dwumadzi no do wɔ Jesus No Sorkɔ ekyir no.

Joseph Smith kyerɛkyerɛɛ dɛ wɔ Nsakyeree Bepɔw no do no, Peter, James, na John so sakyeree. Wohun nyikyerɛ a ɔfa mbrɛ asaase no ne ndaamba enyimnyam gyinabew bɛyɛ (N&A 63:20–21). Wohun Moses na Elijah, nyimpa beenu a wɔasakyeer hɔn a wɔannsɔ owu, na wɔtsee Egya no ne ndze. Egya no see dɛ “Oyi nye mo Dɔba a, ɔsɔ m’enyi; hom ntsie no” (Matt. 17:5).