Corinthfo, Nwoma a Ɔdze Kɛmaa
Ahyɛmu Fofor no mu nwoma ebien. Wɔyɛ nwoma a Paul dzii kan kyerɛwee dze kɛmaa Ahotseweefo a wɔwɔ Corinth dze kɛkyerɛkyerɛɛ nsɛm mu ber a basabasayɛ sii hɔn mu no. Nna Corinthfo no tse ɔman a no mu nkorɔfo yɛ emumuyɛfo mu.
Corinthfo Nwoma a Odzi Kan
Tsir 1 no yɛ Paul ne nkyia n’afotu dɛ ahotseweefo no nyɛ kor. Etsir 2–6 no yɛ Corinthfo Ahotseweefo no hɔn mfom ho ntsentsenee a Paul kyerɛwee dze kɛmaa hɔn. Etsir 7–12 yɛ nsɛmbisa bi ho mbuae a Paul kyerɛwee dze kɛmaa hɔn. Etsir 13–15 no fa ayamuyie, sunsum akyɛdze, na Owusoɛr ho. Tsir 16 no yɛ afotu a Paul dze kɛmaa hɔn ama woeegyina pintsinn wɔ gyedzi mu.
Corinthfo Nwoma a Otsĩa Ebien
Tsir 1 no yɛ Paul ne nkyia na awerɛkyekyer. Tsir 2 yɛ afotu a ɔdze kɛmaa Titus nankasa. Etsir 3–7 no fa asɛmpa no tum a ɔwɔ dɛ ɔda edzi wɔ Ahotseweefo na banodzifo no abrabɔ mu ho. Etsir 8–9 no tu Ahotseweefo no fo dɛ wɔmfa enyimtsew nkyɛ ehiafo adze. Etsir 10–12 no, Paul sii ne gyinabew dɛ ɔyɛ Ɔsomafo no pi. Tsir 13 yɛ emudzi ho kɔkɔbɔ.