Mbueienyi

Kyerɛwsɛm no Kwankyerɛ no

Kyerɛwsɛm no Kwankyerɛ no kyerɛ nkyerɛkyerɛ, fapem, nkorɔfo, na mbea bi a woeyiyi efi Bible Krɔnkrɔn no, Mormon Nwoma no, Nkyerɛkyerɛ na Ahyɛmudzi no na Bota a Ɔsom Bo Mapã no no mu. Ɔsan so ma kyerɛwsɛm ntõtõho wɔ asɛngyinado tsitsir biara a ibosũa. Kwankyerɛ yi bɔboa wo wɔ w’ankorankor nye w’ebusua kyerɛwsɛm ho adzesũa no. Ɔbɔboa wo ma eetum eyiyi nsɛmbisa bi a ɔfa kyerɛwsɛm ho no ano, eesua nsɛngyinado a ɔwɔ kyerɛwsɛm no mu, aayɛ ahoboa wɔ asɛmpakã na adzesuadze ho, na oeetu wo nyimdzee na dasegye wɔ asɛmpa no ho no mu mpon.

Mfonyin yi a odzi do yi kyerɛkyerɛ dza ɔwɔ Kyerɛwsɛm no Kwankyerɛ no nhwɛdo mu.

Mfonyin

sample

Asaase

Asaase a yɛtse do yi, Nyankopɔn nam Jesus Christ do bɔe maa ɔdasanyi ama ɔaatsena do wɔ no nsɔhwɛber mu. Ne nkrabea a odzi ewiei koraa nye dɛ obenya enyimnyam na nkwagye ntowdo (N&A 77:1–2; 130:8–9). Asaase bɛyɛ onnyiewiei egyapadze ama hɔn a wɔbɔɔ bra a ɔfata celestial enyimnyam (N&A 88:14–26). Wobenya enyigye wɔ Egya na Ɔba no hɔn enyim (N&A 76:62).

Wɔbɔe maa nyimpa

Saul a ofi Tarsus

Asɛm

Nsɛngyinado no wɔdze akyerɛwmba akɛse a wɔakekã mu akyerɛw.

Nkyerɛ mu tsiabaa kã nsɛngyinado no ho.

Nsɛngyinado bi so wɔ hɔ a wɔakyerɛw nsɛm bi so akã ho wɔ ase. Dɛm nsɛm no wɔdze akyerɛwmba soronko akyerɛw.

Wɔdze nsɛm a ɔfa kyerɛwsɛm ntõtõho no ato nkatomudze mu.

Ɔtɔ mber bi a, ebɔhwɛ na nsɛm bi a erohwehwɛ ehu no nnhyɛ asɛngyinado a erohwɛ no ase. Kasafua Hwɛ a wɔakyerɛw no akyerɛwmba soronko no kyerɛ wo bea a dɛm asɛm a erohwehwɛ no wɔ.

Ɔtɔ mber bi a ibohu na nsɛngyinado binom so wɔ kwankyerɛ nwoma no mu a ɔfa nsɛngyinado a irusua no ho. Nsɛnfua Hwɛ iyi so a wɔakyerɛw no akyerɛwmba soronko no kyerɛ wo bea a dɛm nsɛngyinado no a ɔfa ho no wɔ.

Wɔdze mbea a ibohu kyerɛwsɛm ntõtõho a ɔbɔboa wo ma aatse ne nkyerɛase no ase ahyɛ nkatomudze mu.

Bea a wɔakyerɛ dɛ ibohu kyerɛwsɛm ntõtõho biara no, woedzi kan akã kyerɛwsɛm mu ɔserɛkã anaadɛ wɔabɔ kyerɛwsɛm a ɔwɔ hɔ no tɔw.

Kasafua Hwɛ (anaa Hwɛ iyi so) a wɔakyerɛw no akyerɛwmba soronko no kyerɛ wo dɛ dza erohwehwɛ no, ibohu ho asɛm wɔ bea a wɔakyerɛw (“Wiadze n’Ewiei”) a ɔyɛ asɛngyinado tsitsir (“Wiadze”) no ase.