Joshua
Ahyɛmu Dadaw mu nkɔnhyɛnyi na banodzinyi bi, na nyia a ɔhyɛɛ Moses n’ananmu. Wɔwoo no wɔ Egypt ansaana Israelmba no ruguan efi nsa (Nka. 14:26–31). Ɔno nye Caleb kã duebien no a wɔsomaa hɔn dɛ wɔnkɛsera Canaan no ho. Hɔn nko na wɔdze nsɛm papa a ɔfa asaase no ho bae (Nka. 13:8, 16–33; 14:1–10). Owui na oedzi mfe 110 (Josh. 24:29). Joshua yɛ nkɔnhyɛnyi ɔkõfo nokwafo a ɔyɛ fasusu.
Joshua nwoma
Nwoma yi wɔdze Joshua ne dzin too do osiandɛ ɔno nye nyimpa tsitsir a ɔwɔ mu na nnyɛ dɛ ɔno na ɔkyerɛwee. Etsir 1–12 kyerɛ abakɔsɛm a ɔfa mbrɛ wosii dzii Canaan do konyim no, etsir 13–24 kã mbrɛ Israel ebusuakuw no sii kyɛɛ asaase no na Joshua n’afotu a odzi ewiei no.
Joshua nwoma no ne nyiyimu ebien bi a ohia dɛ wɔhyɛ no nsew nye ne mbra a ɔdze maa no dɛ ɔdwendwen kyerɛwsɛm no ho (Josh. 1:8) na Joshua ne frɛ a ɔfrɛɛ nkorɔfo no dɛ wondzi nokwar mma Ewuradze (Josh. 24:15).