Adzesua Mboa horow
Nkanee


Nkanee

Nwoma a otsĩa anan wɔ Ahyɛmu Dadaw no mu. Moses kyerɛɛw Nkanee nwoma no. Nkanee nwoma no kã Israelmba hɔn kwan a wotui fi Bepɔw Sinai do dze bodur Moab tɛtɛr do wɔ Canaan n’ahẽ do ho asɛm. Esuadze etsitsir a ɔwɔ mu no no mu kor nye dɛ, sɛ Nyame No nkorɔfo botum akɔ do atsena yieyɛ mu a, ɔwɔ dɛ wɔnantsew gyedzi mu na wodzi N’anohoba do. Ɔsan kã Nyankopɔn Ne ntsea a Ɔdze tsea Israelmba wɔ asokyew ho na ɔkã Israel mbra ho asɛm. Wɔfaa nwoma no ne dzin fii nyimpakan soronko bi mu (Nka. 1–2; 26).

Etsir 1–10 kã mboaboaho a Israelmba yɛe dɛ wɔdze rifi Sinai ho asɛm. Etsir 11–14 kã akwantu no ankasa ho asɛm, mbrɛ asomafo sii kɛseraa Canaan, Israel pow a wɔpowee dɛ wɔbɛhɛn anohoba asaase no mu. Etsir 15–19 da mbra horow nye abakɔsɛm mu ndzɛmba a osisii edzi. Etsir 20–36 no kã afe a odzi ewiei abakɔsɛm a ɔfa nkorɔfo no ho wɔ sar no do.