Colossaefo, Nwoma a Wɔdze Kɛmaa

Nwoma a ɔwɔ Ahyɛmu Fofor no mu. Nna ɔyɛ krataa bi a Ɔsomafo Paul kyerɛwee kɛmaa Colossaefo wɔ ber a Epaphras a ɔyɛ asɛmpakãnyi wɔ Colossae Asɔr mu no kɛseraa Paul ekyir no (Col. 1:7–8). Epaphras kãa kyerɛɛ Paul dɛ Colossaefo no reyɛ mfom kɛse bi—wɔdween dɛ woye kyɛn nkorɔfo binom osiandɛ wodzii enyido ayɛdze bi do pɛpɛɛpɛr ntsi (Col. 2:16), wɔpoow hɔn nyimpadua mu ehiadze binom, na wɔsoom abɔfo (Col. 2:18). Dɛm nyɛe yinom maa Colossaefo no dween dɛ wɔretsew hɔnho. Wɔdween so dɛ wɔtse wiadze mu esumasɛm ase yie kyɛn Asɔrmba binom. Ne krataa no mu no, Paul kyerɛɛ mu ma wohun dɛ nkwagye nam Christ nko mu ba na dɛm ntsi, ɔwɔ dɛ yɛyɛ enyansafo na yɛsom No.

Tsir 1 no yɛ Paul ne nkyia a ɔdze kɛmaa Colossaefo no. Etsir 2–3 no yɛ nkyerɛkyerɛ na ne nsɛm a ɔkãe bi a ɔkyerɛ dɛ Christ nye Ɔpomfo no, mbusu a ɔwɔ atorsom mu, na Owusoɛr no no ho hia a ohia. Tsir 4 no kyerɛkyerɛ dɛ ɔsɛ dɛ Ahotseweefo yɛ enyansafo wɔ ndzɛmba nyinara mu.