Ndzeyɛtsenenee, Tsenenee Hwɛ Emudzi; Emudziyɛ; Enye Nyame Nnantsew, Nantsew; Ndzeyɛɛ a Ɔnntsen, Ɔnntsen; Nyame ne Mbrasɛm iyi so Idzi pɛrpɛr, eyɛ krɔnkrɔn, woho tsew, idzi mu; eyɛ setsie ma Nyankopɔn ne mbra; ikwetsir bɔn. Ewuradze behyira ɔtseneneenyi, Ndw. 5:12. Ewuradze n’enyiwa wɔ atseneneefo do, Ndw. 34:15, 17 (1 Pet. 3:12). Sɛ atseneneefo dɔɔ sõ a ɔman no dzi ehurusi, Mbɛ. 29:2 (N&A 98:9–10). Nhyira akã hɔn a tseneneeyɛ ho ɔkɔm nye nsukɔm dze hɔn, Matt. 5:6 (3 Ne. 12:6). Hom ndzi kan nhwehwɛ Nyame n’ahenman nye ne tsenenee, Matt. 6:33. Nyimpa tsenenee no bɔkɔ onnyiewiei nkwa mu, Matt. 25:46. Nyimpa tsenenee ne mpaabɔ dzi nyim pii, James 5:16. Nyia ɔtsen no ɔsɔ Nyame n’enyi, 1 Ne. 17:35. Ɔbɔkora atseneneefo no do; dɛm ntsi onnyi dɛ wosuro, 1 Ne. 22:17, 22. Satan rinnya tum osian Ewuradze no nkorɔfo hɔn tseneneeyɛ ntsi, 1 Ne. 22:26. Sɛ tseneneeyɛ nnyi hɔ a enyigye so nnyi hɔ, 2 Ne. 2:13. Atseneneefo no benya Nyame n’ahenman no edzi, 2 Ne. 9:18. Atseneneefo no nnsuro nokwasɛm, 2 Ne. 9:40. Otwar dɛ wɔsakyer nyimpa nyinara kɔ tsenenee tsebew mu, Mosiah 27:25–26. Wɔbɛkyerɛw atseneneefo hɔn edzin wɔ nkwa nwoma no mu, Alma 5:58. Hom yɛ emumuyɛdze dze hwehwɛ enyigye, dza ɔnye tsenenee su bɔ ebira, Hel. 13:38. Atseneneefo ndwontow yɛ mpaabɔ ma me, N&A 25:12. Hom nsoɛr ngyina, hom nhyɛ tsenenee akatabo no, N&A 27:16 (Eph. 6:14). Atseneneefo hɔn wu yɛ dɛw ma hɔn, N&A 42:46. Wɔboaboa atseneneefo ano efi aman nyina mu, N&A 45:71. Nyimpa wɔ dɛ wɔdze hɔnankasa hɔn pɛ dze da ndzeyɛtsenenee pii edzi, N&A 58:27. Nyia ɔyɛ tsenenee ndwuma no benya asomdwee wɔ wiadze yi mu nye onnyiewiei nkwa wɔ wiadze a ɔreba no mu, N&A 59:23. Mbae a Otsĩa Ebien no, wobeyi atseneneefo efi emumuyɛfo mu koraa, N&A 63:54. Ndzeyɛtsenenee nko na obotum ahyɛ ɔsor tum do, N&A 121:36. Atseneneefo mu na asomdwee wɔ, N&A 138:22. Zion nkorɔfo tsenaa ase wɔ tseneneeyɛ mu, Moses 7:18. Abraham yɛɛ ndzeyɛtsenenee ne kadofo, Abr. 1:2.