Setsie, Tsie Hwɛ Enye Nyame Nnantsew, Nantsew; Enyigye; Hyira, Nhyira, Nhyiranyi; Mbra; Nyame ne Mbrasɛm; Yɛ Aso iyi so Sunsum afamu no, setsie nye ereyɛ Nyankopɔn ne pɛ. Noah yɛɛ dza Nyankopɔn hyɛɛ no no nyinara, Gen. 6:22. Abraham tsiee Ewuradze, Gen. 22:15–18. Dza Ewuradze akã no nyinara yɛbɛyɛ, Ex. 24:7. Dɛm ntsi, Israel tsie, na dwen do yɛ, Deut. 6:1–3. Dɔ Ewuradze na tsie ne ndze, Deut. 30:20. Setsie ye sen afɔr, 1 Sam. 15:22. Suro Nyankopɔn, na dzi ne mbrasɛm do, Ɔsɛn. 12:13–14. Nnyɛ obiara na ɔbɔkɔ sor ahenman no mu, mbom nyia ɔbɛyɛ m’Egya ne pɛ a, Matt. 7:21 (3 Ne. 14:21). Sɛ obi pɛ dɛ ɔyɛ ne pɛ a, obohu nkyerɛkyerɛ no dɛ ofi Nyankopɔn, John 7:17. Otwar dɛ yetsie Nyankopɔn asɛm mbom kyɛn nyimpa dze, Ndwu. 5:29. Mba, hom ntsie hom awofo, Eph. 6:1 (Col. 3:20). Mobɔkɔ akɛyɛ ndzɛmba a Ewuradze ahyɛ me, 1 Ne. 3:7. Mitsiee Sunsum no ndze, 1 Ne. 4:6–18. Sɛ adasamba dzi Nyankopɔn ne mbrasɛm no do a, ɔmee hɔn, 1 Ne. 17:3. Hom nhwɛ yie amma hom eenntsie sunsum bɔn no, Mosiah 2:32–33, 37 (N&A 29:45). Nyimpa nya hɔn akatua dɛ mbrɛ sunsum a wotsie no tse, Alma 3:26–27. Ɔwɔ dɛ nyimpa dua nankasa ne pɛ mu yɛ ndzɛmba pii, N&A 58:26–29. Na biribiara nnyi hɔ a nyimpa nam do fom Nyankopɔn, kã hɔn a wɔnngye nnto mu dɛ ne nsa wɔ biribiara mu na wonndzi ne mbrasɛm do, N&A 59:21. Emi Ewuradze, sɛ hom yɛ dza mekã a, hom kyekyer me, N&A 82:10. Ɔkra biara a obetsie me ndze no bohu m’enyim, na oehu dɛ metse ase, N&A 93:1. Ɔwɔ dɛ wɔtsẽa nkorɔfo kesi dɛ wobosũa mbrɛ wobesi ayɛ setsie, N&A 105:6. Sɛ yenya nhyira bi fi Nyankopɔn hɔ a, nna ɔkyerɛ dɛ yedzi dɛm mbra no a nhyira no gyina do no do, N&A 130:21. Adam yɛɛ setsie, Moses 5:5. Yɛbɔsɔ hɔn ahwɛ dɛ wɔbɛyɛ adze nyinara a Ewuradze bɛhyɛ no, Abr. 3:25.