Yieyɛ Hwɛ Afɔrbɔ; Akɔnkye, Kye Kɔm; Ayɛ, Ayɛ ne Ma; Ehiafo; Ɔsom iyi so Kwan a wɔfa do dze hwɛ nkorɔfo boa hɔn wɔ hɔn sunsum na honam mu ehiadze mu. Bue wo nsa ma wo nua, wo kɔhweaban, nye wo hianyi wɔ w’asaase do, Deut. 15:11. Nyia ɔma ɔbɔbɔfo no, onnkehia, Mbɛ. 28:27. Ana nnyɛ iyi nye mbuadadzi a masan mu meyi? dɛ ibubu w’edziban ama nyia ɔkɔm dze no, na dɛ edze abɔbɔfo bɛba wo fie, Isa. 58:6–7. Ɔkɔm dzee me na hom maa me edziban; Meyɛɛ hɔho na hom faa me kɔr fie. Sɛ hom yɛ ma m’enuanom nketseaba yinom mu kor a hom ayɛ ama me, Matt. 25:35–40. Hom mfa hom ahodze mma hɔn a wɔwɔ ahokyer mu, Mosiah 4:16–26. Wɔkyekyɛɛ maa hɔnho nkorkor dɛ mbrɛ hɔn ehiadze na hɔn ahwehwɛdze wɔ honam nye sunsum mu tse, Mosiah 18:29. Wɔhyɛɛ hɔn dɛ wɔnkã hɔnho mbɔ mu mfa akɔnkye na wɔmbɔ mpaa mma akra a wonnyim Nyankopɔn no wɔ hɔn yieyɛ ntsi, Alma 6:6. Hom mbɔ mpaa mma hom yieyɛ, nye hɔn a woetwa homho ehyia so hɔn yieyɛ, Alma 34:27–28. Hɔn ndzɛmba nyina bɛyɛɛ kwasafodze wɔ hɔn mu, 4 Ne. 1:3. Hom nkaa ehiafo, N&A 42:30–31. Hom nserasera ehiafo na abɔbɔfo, N&A 44:6. Adze nyina mu no, hom nkaa ehiafo na abɔbɔfo, N&A 52:40. Esikafo a hom mmfa hom ahonyadze mma ehiafo no hom ndue, na hom ehiafo so a hom mmee da, na hom yɛ enyiberfo na hom mmpɛ dɛ hom yɛ edwuma no ndue, N&A 56:16–17. Zion mu hɔ no ehiafo biara nnyi hɔn mu, Moses 7:18.