Ndom, Paa

Nyamesɛm mu no, ndom yɛ mbra krɔnkrɔn no susuando, dza osian bɔn ntsi ɔma kwan anaadɛ ɔdze atsɛmbu ba adze bi, nyimpa anaa nkorɔfo bi do. Ndom da Nyame No dɔ krɔnkrɔn na pɛrpɛrdzi edzi pefee. Ndom botum efi Nyame nankasa anaa no N’asomafo a Ɔdze tum ahyɛ hɔn nsa no hɔ. Odu mber bi a, Nyankopɔn nkotoo na onyim siantsir a ndom no aba. Dza ɔkã ho bio so nye dɛ hɔn a wɔnam enyidaho mu nnyɛ setsie mma Nyame na dɛm ntsi wɔtwe hɔnho fi Ewuradze No Sunsum ho no, ndom hũhũ ba hɔn do.

Ewuradze botum eyi mpaa efi ankorankor anaa nkorɔfo do osian hɔn gyedzi a ɔwɔ Jesus Christ mu na dɛ wɔyɛ setsie ma mbra no na ayɛdze no ntsi (Alma 23:16–18; 3 Ne. 2:14–16; G ho N 1:3).

Nyankopɔn doom abowatsena no dɛ ɔdaadaa Adam na Eve, Gen. 3:13–15 (Moses 4:19–21).
Wɔdoom asaase no osian Adam na Eve ntsi, Gen. 3:17–19 (Moses 4:23–25).
Ewuradze doom Cain dɛ okum Abel, Gen. 4:11–16 (Moses 5:22–41).
Ewuradze paa Canaan na n’asefo, Gen. 9:25–27 (Moses 7:6–8; Abr. 1:21–27).
Wobehyira Israel sɛ ɔyɛ setsie ma Nyankopɔn a na mpaa akã no sɛ wɔannyɛ setsie a, Deut. 28 (Deut. 29:18–28).
Wɔdze Naaman no kwata paa Gehazi na n’asefo, 2 Ahem. 5:20–27.
Ewuradze dze ndom dom tsetseberdo Israel Ɔman no osiandɛ nna wonntua ebupɛn du na ayɛyɛdze, Mal. 3:6–10.

Osiandɛ Lamanfo no enntsie Ewuradze n’asɛm no ntsi wotwaa hɔn fii Ewuradze enyim na wɔpaa hɔn, 2 Ne. 5:20–24.
Wɔto nsa frɛ obiara dɛ ɔmbra Nyankopɔn hɔ, 2 Ne. 26:33.
Ewuradze bɔdom hɔn a wɔbɔ edwaman, Jacob 2:31–33.
Nephifo no nsa bɛkã mpaa kɛsenara akyɛn Lamanfo no gyedɛ wonu hɔnho ana, Jacob 3:3–5.
Etuatsewfo twe ndom gu hɔnankasa hɔn do, Alma 3:18–19 (Deut. 11:26–28).
Wɔpaa Korihor osiandɛ ɔtwee nkorɔfo fii Nyame nkyɛn, Alma 30:43–60.
Ewuradze dze ndom ka Nephifo no hɔn asaase na sika osian nkorɔfo no hɔn bɔn ntsi, Hel. 13:22–23 (2 Ne. 1:7; Alma 37:31).
Ewuradze doom Jaredfo emumuyɛfo no, Ether 9:28–35.
Christ No Werdambɔ no yi Adam no ndom no fi mbofra nkakraba do, Moro. 8:8–12.

Kasafĩ

Dɛ ebɛpaa nye so dɛ ekã kasafĩ, ebususɛm, anaa kasa a obu enyimtsia.