Nnuho, Nu ho

Adwen na akoma mu nsakyer a ɔkyerɛ ndzeyɛɛ fofor wɔ Nyankopɔn do, onyia no ankasa, na ne bra nyina mu. Nnuho kyerɛ dɛ, nyimpa dan fi bɔn ho na ɔdan n’akoma na ne pɛ kɔ Nyankopɔn do, odzi Nyankopɔn Ne mbrasɛm na n’apɛdzi do na okyir bɔn. Nnuho mapa fi ɔdɔ a yɛdze dɔ Nyankopɔn nye ɔpɛ a ofi hɛn akoma mu a yenya dze dzi Ne mbrasɛm do no mu ba. Nyimpa nyina ayɛ bɔn na ɔwɔ dɛ wonu hɔnho ama woeenya kankɔ dze akɔ nkwagye mu. Ɔnam Jesus Christ No Werdambɔ no nko do na hɛn nnuho bedzi mu na asɔ Nyankopɔn enyi.

Ewuradze Tumfo no no Sunsum dze nsakyer kɛse aba hɛn akoma mu, dɛm ntsi yennyi pɛ bio dɛ yɛbɛyɛ bɔn, Mosiah 5:2.
Sɛ ɔkã no bɔn na onu noho a, wɔdze bɛkyɛ no, Mosiah 26:29.
Alma wiee asɛm no kã no, nyimpa pii hyɛɛ ase dɛ worunu hɔnho, Alma 14:1.
Mma hom nntu hom nnuho da no nnhyɛ da, Alma 34:33.
Alma kãa no nnuho na bɔnkã ho asɛm kyerɛɛ Helaman, Alma 36 (Mosiah 27:8–32).
Sɛ ntsea ammba a nkyɛ nnuho enntum ammba nyimpa do, Alma 42:16.
Ma wo bɔn nhaw wo, dɛm haw a ɔdze wo bɛba nnuho mu no, Alma 42:29.
Hom dze akoma a abobɔ na sunsum a abotow bɔbɔ afɔr ama me, 3 Ne. 9:20.
Obiara a onu noho na ɔba mo hɔ tse dɛ abofra kakraba no, ɔno na mebɛgye no, 3 Ne. 9:22.
Wiadze ano nyina, hom nnu homho, 3 Ne. 27:20.
Mber dodow a wonuu hɔnho no, wɔdze kyɛɛ hɔn, Moro. 6:8.