Tum a ofi Nyame hɔ a otum ma mbarimba na mbaa hɔn nsa kã nhyira wɔ nkwaber yi mu na wonya onnyiewiei nkwa na nkwagye ntowdo ber a wɔdze gyedzi ayɛ edwuma ekyir no, woenu hɔnho, na wɔabɔ hɔnho mbɔdzen ara yie dɛ wobedzi mbrasɛm no do. Dɛm mboa krɔnkrɔn anaa ahoɔdzen yi nam Nyankopɔn n’ehumbɔbɔr do ba. Nyimpa dasanyi biara hia Nyame n’adom osian Adam n’Asehwe na nyimpa ne mberɛwyɛ so ntsi.