Timothy, Nwoma Dze Kɛmaa

Paul kyerɛɛw nwoma no a odzi kan no ber a ofii n’efiadze a odzi kan bae ekyir no. Nna oegya Timothy wɔ Ephesus, na ɔayɛ n’adwen dɛ ekyir no ɔbɛsan aba (1 Tim. 3:14). Naaso, Paul hun dɛ annhwɛ a ɔbɛkyɛr ntsi na ɔkyerɛɛw krataa dze kɛmaa Timothy, ɔbɛyɛ dɛ fi Macedonia (1 Tim. 1:3), dɛ ɔrema no afotu na nkuranhyɛ wɔ no dwumadzi mu.

Tsir 1 yɛ Paul ne nkyia na kwankyerɛ a ɔdze mae wɔ anansesɛm nsusui a ɔrohwehwɛ ahɛn Asɔr no mu ntsi. Etsir 2–3 no ɔkyerɛɛ kwan a wɔmfa do nyɛ baguamusom na dza ɔfa asɔfo no hɔn suban nye hɔn ndzeyɛɛ ho. Etsir 4–5 no kã ndzɛmba a ɔfa no da a odzi ekyir mu gyedzi ho asehwe ho nsɛm na ɔma Timothy afotu wɔ mbrɛ onsi nsom hɔn a odzi hɔn bano no. Tsir 6 no yɛ afotu a ɔdze maa no ama oeetu mpon wɔ gyedzi mu na oeyi wiadze ahonyadze akwa.

Paul kyerɛɛw krataa a otsĩa ebien no ber a ɔda n’efiadze a otsĩa ebien no, mber kakrabaabi ekyir ansaana woruboku no wɔ ne gyedzi ho. No mu na Ɔsomafo no ne nsɛm a odzi ewiei wɔ, na ɔkyerɛ akokodur soronko na gyedzi a ɔdze sɔɔw owu.

Tsir 1 yɛ Paul ne nkyia na mbra a ɔdze maa Timothy. Etsir 2–3 no ɔmaa no kɔkɔbɔ horow na kwankyerɛ, na ɔhyɛɛ no nkuran dɛ ongyina mbusu a ɔda n’enyim no ano. Tsir 4 yɛ nsɛm a ɔdze kɛmaa Paul n’anyɛnkofo, ɔyɛ afotu a ɔfa mbrɛ wobesi ahwɛ hɔn a wɔahwe ase wɔ gyedzi mu no ho.