Jonah

Ahyɛmu Dadaw no mu nwoma bi a ɔkã Jonah n’abrabɔ mu suahu bi ho asɛm. Ɔbɛyɛ dɛ nnyɛ Jonah nankasa na ɔkyerɛɛw nwoma no. Esũadze tsitsir a ɔwɔ Jonah nwoma no mu no nye dɛ Jehovah dzi hen wɔ beebiara na Ɔmmfa No dɔ mma ɔman kor anaa nyimpa kor pɛr.

Tsir 1 mu no, Ewuradze frɛɛ Jonah dɛ ɔnkɛkã asɛm no nkyerɛ Nineveh. Nkyɛ ɔwɔ dɛ Jonah yɛ dza Ewuradze ahyɛ no dɛ ɔnyɛ no, ɔfaa hɛn guanee na nam kɛse bi meen no. Tsir 2 mu no, Jonah bɔɔ mpaa maa Ewuradze, na nam no bɛfee Jonah too asaase wewew do. Tsir 3 no kyerɛ dɛ Jonah kɔr Nineveh na ɔhyɛɛ nkɔm wɔ n’asehwe ho. Mbom nkorɔfo no nuu hɔnho. Tsir 4 mu no, Ewuradze kãa Jonah n’enyim dɛ no bo fuuw dɛ Ewuradze gyee nkorɔfo no nkwa.

Jesus kyerɛkyerɛɛ dɛ nam no meen Jonah no gyina hɔ ma Jesus nankasa no wu na no wusoɛr (Matt. 12:39–40; 16:4; Luke 11:29–30).