Herod

Ahemfo ebusuakuw bi a wɔwɔ Judea ɔdze rokɔ Jesus Christ n’aber do no. Wɔyɛ nkorɔfo a hɔnho hia kɛse wɔ Ahyɛmu Fofor mu ndzɛmba pii a osisii mu. Herod Ɔhen no na ɔkyekyeer ebusua no, ɔno a nna osuro Agyenkwa N’Awoo no (Matt. 2:3) na ɔhyɛɛ dɛ wonkumkum mbodomaba wɔ Bethlehem no. Ne mbabanyin binom nye Aristobulus, Herod Philip (Matt. 14:3; Mark 6:17); Herod Antipas, ɔmansin hen no (Matt. 14:1; Luke 9:7; a wɔfrɛ no Ɔhen Herod, Mark 6:14); Archelaus (Matt. 2:22) na Phillip, Iturea ɔmansin hen no (Luke 3:1). Herod Agrippa Ⅰ (Ndwuma 12:1–23) na n’akyerɛbaa Herodias (Matt. 14:3; Mark 6:17) Aristobulus ne mba. Herod Agrippa Ⅰ woo mba pii a wɔbɔɔ hɔn edzin wɔ Ahyɛmu Fofor no mu a, Herod Agrippa Ⅱ (Ndwu. 25:13), Bernice (Ndwu. 25:13), na Drusilla, Felix (Ndwu. 24:24) ne yer kã ho.