Mfe Apɛm ber n’ahyɛse no, Christ bɛsan aba asaase do bio. Dza obesi yi bɛyɛ adasa hɔn nsɔhwɛber wɔ asaase yi do n’ewiei. Wobeyi emumuyɛfo efi asaase do na ɔsor nsuwisiw bɛfa atseneneefo akɔ sor na wɔatsew asaase ho. Ber a nyimpa biara innyim ber pɔkyee a Christ, bɛba ber a otsĩa ebien no ntsi, Ɔama hɛn nsɛnkyerɛdze a ɔbɛma yeehu dɛ ber no rebɛn (Matt. 24 ; JS—M 1 ).
Minyim dɛ mo Pomfo begyina asaase do ekyir no, Job 19:25 .
Emi na anankoroma nyinara bɔkotow me, na tɛkyerɛma nyina akã ntam, Isa. 45:23 (N&A 88:104 ).
Onyimpa Ba no nam ɔsor nsuwusiw mu bae, Dan. 7:13 (Matt. 26:64 ; Luke 21:25–28 ).
Na wɔbɔhwɛ emi a wɔwɔɔ me peaa no, Zech. 12:10 .
Na obi bɛse dɛ, Ebɛn epirakur na ɔwɔ wo nsamu yi, Zech. 13:6 (N&A 45:51 ).
Woana botum egyina ne mbae da no ano? na ɔtse dɛ namfo gya, Mal. 3:2 (3 Ne. 24:2 ; N&A 128:24 ).
Onyimpa Ba no bɛba wɔ n’Egya n’enyimnyam mu, Matt. 16:27 (Matt. 25:31 ).
Na dɛm da no nye dɔn no obiara nnyim, mbom m’Egya nko, Matt. 24:36 (N&A 49:7 ; JS—M 1:38–48 ).
Jesus yi ara bɛba dɛmara dɛ mbrɛ hom ehu no dɛ ɔrokɔ sor yi, Ndwu. 1:11 .
Ewuradze nankasa befi sor esian, 1 Thes. 4:16 .
Ewuradze ne da no bɛba dɛ owifo anadwe ber, 2 Pet. 3:10 .
Ewuradze nye n’Ahotseweefo mpemdu reba, Jude 1:14 .
Ɔnam nsuwusiw mu reba, na enyiwa nyina bohu no, Nyi. 1:7 .
Hom nsiesie homho, hom nsiesie homho, osiandɛ Ewuradze ne mbaa abɛn, N&A 1:12 .
Medze tum bɛda moho edzi efi sor, na maabɛtsena asaase do mfe apem, N&A 29:9–12 .
Ma wo ndze do na tsẽa mu kã nnuho ho asɛm, fa siesie Ewuradze no kwan mu ma ne mbae a otsĩa ebien no, N&A 34:5–12 .
Emi nye Jesus Christ, na mebɛba me temple N&A 36:8 (N&A 133:2 ).
Da no reba ntsɛm a hom bohu me, na hom ehu dɛ mara a, N&A 38:8 .
Nyia osuro me no bɔhwɛ Nyimpa Ba no ne mbaa ho asɛnkyerɛdze, N&A 45:39 .
Ewuradze bɛma n’enyim ada hɔ, N&A 88:95 .
Ewuradze ne da kɛse a ɔyɛ hu no abɛn, N&A 110:16 .
Ber a Agyenkwa bɛba no yebohu no dɛ mbrɛ ɔtse, N&A 130:1 .
Agyenkwa no begyina no nkorɔfo no hɔn finimfin na oedzi hen, N&A 133:25 .
Woana nye nyia ofi Nyame nkyɛn wɔ sor a ɔhyɛ bɔgyaben ntar reba famu yi, N&A 133:46 (Isa. 63:1 ).