Adzesua Mboa horow
Mosiah, Benjamin ne Babanyin


Mosiah, Benjamin ne Babanyin

Mormon Nwoma no mu Nephi ɔhen na nkɔnhyɛnyi tseneneenyi. Mosiah nantseew kwan tsenenee a n’egya faa do no do (Mosiah 6:4–7). Ɔkyerɛɛ sika mprɛtse eduonu anan a Jaredfo ho nsɛm wɔ do no ase (Mosiah 28:17).

Mosiah nwoma no

Nwoma a ɔwɔ Mormon Nwoma no mu. Etsir 1–6 no yɛ nyamesɛm bi a ɔyɛ ndam a Ɔhen Benjamin kãe kyerɛɛ no nkorɔfo. Ewuradze no Sunsum kãa hɔn akoma na nkorɔfo no sakyeeree na wɔammpɛ dɛ wɔbɛyɛ bɔn bio. Etsir 7–8 kã Nephifo kuw bi a wɔakɔ akɛtsena Lamanfo asaase do no ho asɛm. Wɔsomaa nyimpa kuw bi dɛ wɔnkɔhwehwɛ hɔn. Kuw no ne kandzifo Ammon hun hɔn na ɔtsee hɔn atseetsee wɔ Lamanfo nhyɛ ase. Etsir 9–24 kã dɛm nhyɛ no ho asɛm, nye mbrɛ hɔn akandzifo—Zeniff, Noah, na Limhi—asetsena wɔ Lamanfo ase. Wɔakã nkɔnhyɛnyi bi a wɔfrɛ no Abinadi no kum wɔ ne gyedzi ho asɛm so wɔ hɔ. Abinadi n’asɛndzii no ase na Alma sakyeree. Etsir 25–28 kã mbrɛ ɔyɛe ma Alma ne ba na Ɔhen Mosiah ne mbabanyin baanan bɛsakyeree ho asɛm. Itsir 29 hɔ no, Ɔhen Mosiah kamfoo dɛ wɔmma atsɛmbuafo mbɛhyɛ ahemfo ananmu. Woyii Alma ne ba Alma ma ɔbɛyɛɛ ɔtsɛmbuafo panyin a odzi kan.