Onnyiewiei Nkwa Hwɛ Ahenkyɛw; Celestial Enyimnyam; Nkwa; Nkwagye Ntowdo; Werdam, Werdambɔ iyi so Wɔbɛtsena ase afebɔɔ dɛ ebusua ebusua wɔ Nyankpoɔn n’enyim (N&A 132:19–20, 24, 55). Onnyiewiei nkwa nye Nyankopɔn n’akyɛdze kɛse a ɔdze ma adasa. Ɔwo na ewɔ onnyiewiei nkwa ho nsɛm, John 6:68. Iyi nye onnyiewiei nkwa, dɛ wobohu ɔwo, nokwar Nyankopɔn kortonoo no, nye Jesus Christ, John 17:3 (N&A 132:24). Kõ gyedzi no kõ pa no, suo onnyiewiei nkwa no mu, 1 Tim. 6:12. Nyimpa wɔ ho kwan dɛ ɔfa ahotɔ na onnyiewiei nkwa, 2 Ne. 2:27 (Hel. 14:31). Sunsum adwen yɛ nkwa a onnyiewiei, 2 Ne. 9:39. Nkyii na hom wɔ kwan tseabaa no a wɔdze kɔ onnyiewiei nkwa mu no, 2 Ne. 31:17–20. Egye Christ dzi na etsim kodu ewiei nye onnyiewiei nkwa no, 2 Ne. 33:4 (3 Ne. 15:9). Nyia ɔwɔ nkwa a onnyiewiei no yɛ ɔhonyanyi, N&A 6:7 (N&A 11:7). Onnyiewiei nkwa yɛ Nyankopɔn n’akyɛdze a ɔsõ sen akyɛdze nyinara, N&A 14:7 (Rom. 6:23). Ɔtseneneenyi benya asomdwee wɔ wiadze yi mu, nye onnyiewiei nkwa wɔ wiadze a ɔreba no mu, N&A 59:23. Hɔn a wotsim dze kodu ewiei no benya onnyiewiei ahenkyɛw, N&A 66:12 (N&A 75:5). Hɔn a wowu a hɔn nsa annkã asɛmpa no a sɛ hɔn nsa kãa ber a wɔtse ase no a nkyɛ wɔbɛgye no, yɛ celestial ahenman mu adzedzifo, N&A 137:7–9. Nyankopɔn n’edwuma na n’enyimnyam nye dɛ ɔdze bɛkyebo na onnyiewiei nkwa bɛma adasa, Moses 1:39. Nyankopɔn dze onnyiewiei nkwa ma nyia ɔyɛ setsie no, Moses 5:11.