Sum, Sunsum mu Hwɛ Emumuyɛdze, Emumuyɛfo iyi so Emumuyɛdze anaa sunsum mu ndzɛmba ho ntɔgon. Wondue, hɔn a wɔdze sum yɛ kan, Isa. 5:20 (2 Ne. 15:20). Sum bɛkata asaase do, na sum kebii akata nkorɔfo do, Isa. 60:2. Jesus bɛma kan ahyerɛn hɔn a wɔtsetse sum mu no do, Luke 1:79. Na kan no hyerɛn wɔ sum mu na sum no annkyer no, John 1:5 (N&A 45:7). Hom nyi sum mu ndwuma no ngu na hom nhyɛ kan akodze no, Rom. 13:12. Mma hom nnye sum ndwuma a wɔnnsow aba no nnyɛ nyɛnko, Eph. 5:8–11. Osiandɛ hom emmbisa ntsi, wɔammfa hom ammba kan no mu, ntsi otwar dɛ hom hera wɔ sum mu, 2 Ne. 32:4. Satan dze sum ndwuma petse, Hel. 6:28–31. Sum no tum agye asaase do konyim, N&A 38:8, 11–12. Wiadze nyina risi nkrum wɔ sum nye bɔn ase, N&A 84:49–54. Sɛ w’enyiwa yɛ kor ma m’enyimnyam a, sum remmba wo mu, N&A 88:67. Sum no ndwuma hyɛɛ ase dɛ woridzi konyim wɔ adasamba mu, Moses 5:55.