Honam Hwɛ Honam Adwen; Honammunyi; Ɔnnkyebo, Ɔnnkyebo Asetsena; Nyimpadua iyi so Honam wɔ nkyerɛase ahorow: (1) honam bɔkɔbɔkɔ a ɔyɛ nyimpa dze, hamu mbowa, ntumbowa anaa nam honam; (2) ɔnnkyebo asetsena; anaa (3) nyimpadua mu anaa nyimpa no honam adwen-su. Nam Mbowa bɛyɛ hom edziban, Gen. 9:3. Ɔnsɛ dɛ woku mbowa a wɔremmfa nnyɛ hwee, JSN, Gen. 9:10–11 (N&A 49:21). Hamu mbowa na ntumbowa wɔ hɔ ma nyimpa edzi na ɔdze ayɛ efuradze, N&A 49:18–19 (N&A 59:16–20). Ɔwɔ dɛ yɛsɔn dzi bɔnam, N&A 89:12–15. Ɔnnkyebo asetsena Jesus nkotoo nye nyia Egya no woo no too ɔnnkyebo asetsena mu, John 1:14 (Mosiah 15:1–3). Adam bɛyɛɛ honam a odzi kan, Moses 3:7. Nyimpa no Honam Adwen-su Ndom nkã ɔdasanyi biara a ɔdze honam yɛ n’akodadze, Jer. 17:5. Sunsum no pɛ, mbom honam no yɛ mberɛw, Mark 14:38. Honam akɔndɔ mmfir Egya no, 1 Jn. 2:16. Nephi dzii awerɛhow osian no honam na n’emumuyɛ ntsi, 2 Ne. 4:17–18, 34. Mma hom mmfa homho mma abɔnsam na honam ne pɛ, 2 Ne. 10:24.