Alma Panyin no Mormon Nwoma mu Nephi nkɔnhyɛnyi no a ɔkyekyeer Asɔr no wɔ Ɔhen Noah omumuyɛnyi n’aber do no. Nna ɔyɛ Ɔhen Noah omumuyɛnyi no no sɔfoe, na Nephi n’asenyi, Mosiah 17:1–2. Ekyir no a otsiee Abinadi na ɔgyee dzii no, Ɔhen no yii no tokyen. Oguanee, kosumae, na ɔkyerɛɛw Abinadi ne nsɛm, Mosiah 17:3–4. Onuu noho na ɔkyerɛkyerɛɛ Abinadi ne nsɛm no, Mosiah 18:1. Onumae wɔ Mormon esu ho, Mosiah 18:12–16. Ɔkyekyeer Asɔr no, Mosiah 18:17–29. Ɔnye no nkorɔfo bodur Zarahemla, Mosiah 24:25. Wɔmaa no tumdzi wɔ Asɔr no do, Mosiah 26:8. Obuu atsɛn na odzii Asɔr no ne kan, Mosiah 26:34–39. Ɔhyɛɛ ne babanyin no ɔsɔfopanyin dzibew, Alma 4:4 (Mosiah 29:42; Alma 5:3).