Amos
Ahyɛmu Dadaw no mu nkɔnhyɛnyi, ɔno na ɔhyɛɛ nkɔm fi bɛyɛ afe 792 kesi 740 mu Ansaana Wɔrowo Christ wɔ Judahhen, Uzziah nye Israelhen Jeroboam hɔn mber mu.
Amos Nwoma
Ɔyɛ nwoma a ɔwɔ Ahyɛmu Dadaw no mu. Amos no nkɔnhyɛ no mu dodowara bɔɔ Israel nye aman a woetwa no ho ehyia no kɔkɔ dɛ wɔnsan nkɔ tseneneeyɛ ho.
Etsir 1–5 no se Israel nye n’aman a woetwa no ho ehyia no dɛ wonnu hɔnho. Tsir 3 kyerɛkyerɛ mu dɛ Ewuradze da N’esumasɛm edzi kyerɛ nkɔnhyɛfo na osian Israel ne mbrato ntsi ɔtamfo bɛsɛɛ no. Etsir 6–8 no hyɛ Israel n’asehwe ho nkɔm mfe pii ansaana Assyriafo rosoɛr no do. Tsir 9 hyɛ nkɔm dɛ Israel bɛsan akɔ n’ankasa n’asaase do.