Harris, Martin

Adasegyefo Baasa no a wɔgyee dase dɛ Mormon Nwoma no yɛ nokwar na ofi Nyame hɔ bae no hɔn mu kor. Ɔboaa Joseph Smith na Asɔr no wɔ sikasɛm afamu. Ewuradze see Martin Harris dɛ ɔntɔn n’egyapadze na ɔmfa no mu sika no mma ma wɔmfa ntua Mormon Nwoma no ne ntsintsimii na no guado mpuei ho kaw (N&A 19:26–27, 34–35), mfa nyɛ mfatoho mma Asɔr no (N&A 58:35), na ɔmboa ma wontua ɔsomdwuma no ho kaw (N&A 104:26).

Woyii Martin Harris edzi fii asɔr no mu na mbom ekyir no ɔsanee bɛyɛɛ asɔrba a odzi mu. Ɔgyee dase dɛ ohun ɔbɔfo Moroni nye sika mprɛtse no a Joseph Smith kyerɛɛ Mormon Nwoma ase fii do no.