Nehemiah
Israelnyi onyimnyamfo bi a ɔwɔ Babylon wɔ Ahyɛmu Dadaw no mu (dɛ ɔyɛ Levinyi anaa ofi Judah ebusua mu) a nna ne dzibew wɔ Artaxerxes n’ahemfie nye ɔhwɛ nsã kuraba no do, no hɔ na ɔgyee tum a ɔdze bɛsan esi Jerusalem afasu no.
Nehemiah nwoma no
Dɛm nwoma yi yɛ Ezra nwoma no nsɔwdo. Nsɛm a ɔwɔ mu no fa mpontu na ɔhaw a ɔbaa edwuma a wɔyɛe wɔ Jerusalem wɔ ber a Jewfo no fi Babylon ndɔmmum mu bae no ho. Etsir 1–7 no kã Nehemiah ne ber a odzi kan a ɔkɛseraa Jerusalem nye mbrɛ osii sanee sii Jerusalem kuropɔn no n’afasu no bio a otsia a nkorɔfo no tsiaa no no mu biara ammfa no ho no asɛm. Etsir 8–10 kã nyamesom na asetsena mu nsakyer a Nehemiah peer dɛ ɔdze bɔbɔ adze ho asɛm. Etsir 11–13 no da nkorɔfo a wodzi mu no edzin edzi na ɔkã mbrɛ osii maa wotuu afasu no hyɛɛ Ewuradze nsa ho asɛm. Tsir 13 nyiyimu 4–31 kã Nehemiah ne mpɛn a otsĩa ebien a ɔkɛseraa Jerusalem wɔ mfe duebien a ofii hɔ ekyir no ho asɛm.