Tsim Hwɛ Abotar; Akotorka; Nsɔhwɛ, Sɔ Hwɛ iyi so Igyina pintsii dzi nokwar wɔ Nyame ne mbrasɛm mu mpo wɔ nsɔhwɛ, ntsia, na akotorka ber mu. Nyia ɔbɛtsena mu ekodu ewiei no wɔbɛgye no nkwa, Matt. 10:22 (Mark 13:13). Wonnyi ndwow ntsi wɔsɔɔw mber tsiabaa, Mark 4:17. Ɔdɔ sɔw adze nyina, 1 Cor. 13:7. Abraham tɔɔ no bo ase tweɔɔn dɛm no, ne nsa kãa anohoba no, Heb. 6:15. Sɛ wotsim kodu ewiei a wɔbɛma hɔn do wɔ da a odzi ewiei no mu, 1 Ne. 13:37. Sɛ hom yɛ setsie ma mbrasɛm no, na hom tsim kodu ewiei a, wɔbɛgye hom nkwa, 1 Ne. 22:31 (Alma 5:13). Sɛ hom per kɔ kan, mee wɔ Christ n’asɛm mu, na hom tsim kodu ewiei a, hom benya onnyiewiei nkwa, 2 Ne. 31:20 (3 Ne. 15:9; N&A 14:7). Obiara a ɔfa me dzin to no do, na obetsim dze akɔ ewiei no wɔbɛgye no nkwa, 3 Ne. 27:6. Obiara a otsim m’asɔr mu dze kodu ewiei no, ɔno na medze no besi me bepɔw no do, N&A 10:69. Nyia otsim gyedzi mu kɔ ewiei no bedzi wiadze do konyim, N&A 63:20, 47. Wɔbɛda ahengua na ahenman nyina edzi ama hɔn a wobegyina akokodur mu ama Jesus Christ n’asɛmpa no, N&A 121:29.