Mpamufo Mpamufo no nye hɔn a wɔdze hɔn akoma nyina dɔ Nyankopɔn na wɔbɔ ɔbra a ɔsɔ N’enyi. Hɔn a wɔbɔ ɔbra a ɔtse dɛ esuafo dze no, na Ewuradze beyi hɔn ma wɔabɛkã Ne mba a Ɔasan mu eyi hɔn no ho. Sɛ annhwɛ a mpamufo no mpo wɔbɛdaadaa hɔn, Matt. 24:24. John dzii dɛw osiandɛ ɔbaa a wɔasan mu eyi no no ne mba no yɛɛ agyedzifo na wodzii nokwar, 2 Jn. 1. Wɔdze wo bɔn akyɛ wo, na eyɛ ɔbaa a wɔasan mu eyi wo, N&A 25:3. M’apamufo tse me ndze na wommpirim hɔn akoma, N&A 29:7. Dɛm so na mobɔboaboa me mpamufo no ano efi asaase ne mfɛndzanan nyina ano, N&A 33:6. Wɔdze kyerɛwsɛm bɛma me mpamufo no hɔn nkwagye, N&A 35:20–21. Hɔn a wotu asɔfodzi frɛ no mpon no bɛyɛ Nyankopɔn n’apamufo, N&A 84:33–34. Osian hɔn a wɔapa mu eyi hɔn no ntsi, ahohiahia nda no wobotwa no tsia, JS—M 1:20.