Jesus Christ

Christ (Greek kasa) nna Messiah (Hebrew kasa) n’asekyerɛ nye “nyia wɔasera no ngo.” Jesus Christ nye Egya no N’Abakamba wɔ sunsum mu (Heb. 1:6; N&A 93:21). Ɔno nye nyia Egya no Woo no Kortoo wɔ honam mu (John 1:14; 3:16). Ɔyɛ Jehovah (N&A 110:3–4) na wohun No siei maa ne frɛ kɛse no ansaana wɔrobɔ wiadze. Ɔnam Egya no Ne nkyerɛkyerɛ na Jesus bɔɔ asaase na biribiara a ɔwɔ do no (John 1:3, 14; Moses 1:31–33). Mary na ɔwoo No wɔ Bethlehem, ɔtsenaa ase bɔɔ bra a ɔannyɛ bɔn da, ɔnam No bɔgyaa a Okyii na No nkwa a Ɔdze mae wɔ mbeamudua no do no bɔɔ werdam a odzi mu maa adasamba nyinara hɔn bɔn (Matt. 2:1; 1 Ne. 11:13–33; 3 Ne. 27:13–16; N&A 76:40–42). Ɔsoɛree fii ewufo mu, na dɛm ntsi ɔma hɛn awerɛhyɛmu dɛ mbrɛ ɔbɛyɛ biara no adasamba nyinara bɔsoɛr efi owu mu. Ɔnam Jesus No Werdambɔ na Owusoɛr do, hɔn a wobonu hɔnho wɔ hɔn bɔn ho na woedzi Nyankopɔn ne mbrasɛm do no botum nye Jesus na Egya no atsena ase onnyiewiei mu (2 Ne. 9:10–12; 21–22; N&A 76:50–53, 62).

Jesus Christ nye okunyin kɛse a wɔwoo No too asaase yi do. Ne bra yɛ fasusu a odzi mu a Ɔdze kyerɛ adasamba nyinara mbrɛ wonsi mbɔ bra. Mpaabɔ, nhyira, na asɔfodzi ayɛdze nyina wɔdɛ wɔyɛ wɔ Ne dzin mu. Ɔno nye ewuranom Wura, ahemfo Hen, Bɔadze no, Agyenkwa no, na asaase nyina Nyankopɔn no.

Jesus Christ bɛba bio wɔ tum na enyimnyam mu ebedzi hen wɔ asaase do Mfe Apem ber no mu. Da a odzi ewiei mu no, Obobu adasamba nyinara atsɛn (Alma 11:40–41; JS—M 1).

Jesus N’abrabɔ mu nsɛm a woetwitwado (wɔahyehyɛ no esiado esiado)

Nna Jesus n’awoo na no dwumadzi wɔakã dada, Luke 1:26–38 (Isa. 7:14; 9:6–7; 1 Ne. 11).
Wɔwoo no, Luke 2:1–7 (Matt. 1:18–25).
Wotwaa no twatsia, Luke 2:21.
Wɔdze no kɔr temple no mu, Luke 2:22–38.
Enyansafo bɛseraa no, Matt. 2:1–12.
Joseph na Mary dze no guanee kɔr Egypt, Matt. 2:13–18.
Wɔdze no baa Nazareth, Matt. 2:19–23.
Odzii mfe duebien no ɔkɔr temple no mu, Luke 2:41–50.
Onyaa enuanom nuambanyin na nkyerɛbaa, Matt. 13:55–56 (Mark 6:3).
Wonumaa no, Matt. 3:13–17 (Mark 1:9–11; Luke 3:21–22).
Abɔnsam sɔɔ no hwɛe, Matt. 4:1–11 (Mark 1:12–13; Luke 4:1–13).
Ɔfrɛɛ n’esuafo no, Matt. 4:18–22 (Matt. 9:9; Mark 1:16–20; 2:13–14; Luke 5:1–11, 27–28; 6:12–16; John 1:35–51).
Ɔsomaa Duebien no, Matt. 10:1–4 (Mark 3:13–19; Luke 6:12–16).
Ɔkyerɛkyerɛɛ wɔ Bepɔw no do, Matt. 5–7.
Ɔkãa nankasa no wu na wusoɛr ho asɛm, Matt. 16:21 (Matt. 17:22–23; 20:17–19; Mark 8:31; 9:30–32; 10:32–34; Luke 9:22; 18:31–34).
Wɔsakyeer no, Matt. 17:1–9 (Mark 9:2–8; Luke 9:28–36).
Ɔsomaa Edouson no kɔr edzi, Luke 10:1–20.
Hɛɛn Jerusalem enyimnyam mu, Matt. 21:1–11 (Mark 11:1–11; Luke 19:29–40; John 12:12–15).
Dze sacrament no bɔbɔɔ adze, Matt. 26:26–29 (Mark 14:22–25; Luke 22:19–20).
Ohun amandze na ɔbɔɔ mpaa wɔ Gethsemane, Matt. 26:36–46 (Mark 14:32–42; Luke 22:39–46).
Woyii no mae, wɔkyeer no, na wɔpoow no, Matt. 26:47–56 (Mark 14:43–53; Luke 22:47–54; John 18:2–13).
Wɔbɔɔ no mbeamudua mu, Matt. 27:31–54 (Mark 15:20–41; Luke 23:26–28, 32–49; John 19:16–30).
Ɔsoɛree fii ewufo mu, Matt. 28:1–8 (Mark 16:1–8; Luke 24:1–12; John 20:1–10).
No wusoɛr ekyir no oyii noho kyerɛe, Matt. 28:9–20 (Mark 16:9–18; Luke 24:13–48; John 20:11–31; Ndwu. 1:3–8; 1 Cor. 15:5–8).
Ɔfowee kɔr sor, Mark 16:19–20 (Luke 24:51–53; Ndwu. 1:9–12).

Asɔr no ne Tsir

Christ ho nsɛnkyerɛdze anaa ngyinahɔmadze horow

Abel dze no nguan mu mbakan bɔɔ afɔr, Gen. 4:4 (Moses 5:20).
Fa wo ba kortonoo Isaac, na fa no kɔbɔ afɔr, Gen. 22:1–13 (Jacob 4:5).
Ewuradze hyɛɛ Israelmba dɛ wɔmfa nguambaa a wonndzii dzɛm mbɔ afɔr, Ex. 12:5, 21, 46 (Nka. 9:12; John 1:29; 19:33; 1 Pet. 1:19; Nyi. 5:6).
Iyi nye paanoo a Ewuradze dze ama hom dɛ hom ndzi, Ex. 16:2–15 (John 6:51).
Bɔ obotan no, na nsu befi mu aba, ma nkorɔfo no aanom, Ex. 17:6 (John 4:6–14; 1 Cor. 10:1–4).
Apɔnkye no bɔsoa hɔn emumuyɛ nyina, Lev. 16:20–22 (Isa. 53:11; Mosiah 14:11; 15:6–9).
Moses maa boran abowatsena no do wɔ sor ama ɔdze aagye hɔn a wɔbɔhwɛ no nkwa, Nka. 21:8–9 (John 3:14–15; Alma 33:19; Hel. 8:14–15).
Jonah dzii nam no ne yamu adzekyee ebiasa, Jonah 1:17 (Matt. 12:40).

Christ ne Mfe Apem ahendzi no

Christ ne tsebea ansaana ɔreba asaase yi do

Christ noho a oyii kyerɛe wɔ no wu ekyir no

Ber a Christ soɛree no, odzii kan yii noho kyerɛɛ Mary, Mark 16:9 (John 20:11–18).
Jesus nye esuafo no mu beenu nantsewee wɔ kwan a wɔdze kɔ Emmaus no do na ɔnye hɔn kasae, Luke 24:13–34.
Jesus yii noho kyerɛ Asomafo no, na wɔdze hɔn nsa kãa ne nsa na n’anan, Luke 24:36–43 (John 20:19–20).
Jesus yii noho kyerɛɛ Thomas, John 20:24–29.
Jesus yii noho kyerɛɛ esuafo no wɔ Tiberias po no ho, John 21:1–14.
Jesus no wusoer ekyir no ɔsoom adaduanan, Ndwu. 1:2–3.
Stephen hun Jesus dɛ ogyina Nyankopɔn n’abanyimfa, Ndwu. 7:55–56.
Jesus yii noho kyerɛɛ Saul, Ndwu. 9:1–8 (JSN, Ndwu. 9:7; Ndwu. 26:9–17).
Nkorɔfo a wɔbor ahaenum hun Christ, 1 Cor. 15:3–8.

Dasegye a wɔgyee wɔ Jesus Christ ho

Jesus Christ n’enyimnyam

Jesus Christ ne fasusu

Nkɔnhyɛ a ɔfa Jesus Christ n’awoo na no wu ho

Ɔtsɛmbuafo

Tumdzi

Jesus kyerɛkyerɛɛ dɛ nyia ɔwɔ tum, Matt. 7:28–29 (Mark 1:22).
Nyimpa Ba no wɔ tum wɔ asaase do dɛ ɔdze bɔn kyɛ, Matt. 9:6.
Jesus dze tum tsẽaa esunsum fĩ, na wotsiee no, Mark 1:27 (Luke 4:33–36).
Jesus yii duebien dze tum hyɛɛ hɔn nsa, Mark 3:14–15.
Tum wɔ Jesus n’asɛm mu, Luke 4:32.
Egya no dze atsɛmbu nyina ahyɛ Ɔba no nsa, John 5:22, 27.
Nyankopɔn dze Sunsum Krɔnkrɔn na tum seraa no, Ndwu. 10:38.
Christ na wohun no siei ansaana wɔrobɔtow wiadze ne fapem, 1 Pet. 1:20 (Ether 3:14).
Christ kura samanadze na owu nsaafee no, Nyi. 1:18.

Yɛbɛfa Jesus Christ ne dzin ato hɛn do

Hom ndzi dase dɛ hom pɛ dɛ hom fa Christ ne dzin to hom do, wɔ enuma mu, 2 Ne. 31:13.
Mebɛpɛ dɛ hom bɛfa Christ ne dzin ato hom do, Mosiah 5:6–12 (Mosiah 1:11).
Hɔn mu biara a onyaa pɛ dɛ ɔdze Christ ne dzin bɔto no do no kɔdɔɔm Nyame N’Asɔr no, Mosiah 25:23.
Hɔn a wɔyɛ Christ n’agyedzifo nokwafo no faa Christ ne dzin too hɔn do, Alma 46:15.
Wobue sor abobow ma hɔn a wɔbɛgye Jesus Christ ne dzin no edzi, Hel. 3:28.
Nhyira nye nyia wobohu no dɛ oedzi nokwar ama me dzin wɔ da a odzi ewiei no mu, Ether 4:19.
Woenya pɛ dɛ wɔbɛfa Ɔba no ne dzin ato hɔn do, Moro. 4:3 (N&A 20:77).