Kyerɛwsɛm
3 Nephi 11


Jesus Christ yi noho kyerɛ Nephifo wɔ ber a dɔmtutuw no ehyia wɔ Dzifuu asaase do, na ɔsom hɔn; na ɔnam dɛm kwan yi do yi noho kyerɛ hɔn.

Ofitsi etsir 11 dze kesi 26.

Tsir 11

Egya no dzi Ne Dɔba no ho dase—Christ pue na Ɔbɔ No Werdambɔ no ho dawur—Nyimpadodow dze hɔn nsa kã epirakur a ɔwɔ Ne nsa na N’anan ho nye Ne mfemu no—Wɔtsẽatsẽa mu dɛ Hosanna—Ɔkyerɛ kwan na ma mbrɛ wonsi nnuma—Wentwiwentwi sunsum fi abɔnsam—Christ Ne nkyerɛkyerɛ nye dɛ ɔsɛ dɛ adasa nya gyedzi na wonuma hɔn na hɔn nsa kã Sunsum Krɔnkrɔn no. Christ N’Awoo ekyir bɛyɛ mfe 34.

1 Na afei ɔbaa dɛ nna nyimpadodow kɛse a wɔyɛ Nephi no nkorɔfo no aboa hɔn ano, etwa temple no a ɔwɔ Dzifuu no ho ehyia; na nwanwa kɛse akã hɔn ma obiara nye no nua rodwendwen anwanwadze kɛse na wɔrekyerɛkyerɛ nsesa kɛse a esi bea no do.

2 Na wɔrotwetwe nkɔmbɔ so fa dɛm Jesus Christ yi a woeyi aasɛnkyerɛdze a ɔfa no wu ho akyerɛ yi ho.

3 Na ɔbaa dɛ ber a wogu do rotwetwe nkɔmbɔ no, wɔtsee andze bi fi sor; na wɔdze hɔn enyiwa kɔr aprɔw, na ndze a wɔtsee no wɔanntse ase; na ɔnnyɛ ndze dzendzen, anaa ndze kɛse; ɔyɛ ndze btseabaa, naaso ɔwɔɔ hɔn ma wɔtsee no wɔ hɔn mu ma hɔnho beebiara nnyi hɔ a annwosow; nyew, ɔwɔɔ hɔn akra mu, na ɔmaa hɔn akoma dzɛwee.

4 Na ɔbaa dɛ wɔtsee ndze no bio, na wɔanntse ase.

5 Na wɔtsee ndze no bio ne mpɛn a otsĩa ebiasa, na wobuee hɔn asowa ama wɔaatse; na wɔmaa hɔn enyiwa do wɔ sor kyerɛɛ bea a ndze no fi; na wɔhwɛɛ sor hann wɔ bea a ndze no fi bae no.

6 Na hwɛ, ne mpɛn a otsĩa ebiasa no wɔtsee ndze no ase; na ɔsee hɔn dɛ:

7 Hom nhwɛ mo aDɔba a bɔsɔ m’enyi yie, no mu na mahyɛ me dzin enyimnyam—hom ntsie no.

8 Na ɔbaa dɛ, ber a wɔtsee ase no wɔmaa hɔn enyiwa do kyerɛɛ sor bio; na hwɛ, awohun dɛ Ɔbarimba bi fi sor risian; na ɔhyɛ atar fitaa; na ɔbaa famu na obegyinaa hɔn finimfin, na nyimpadodow no nyinara daan hɔn enyiwa hwɛɛ no, na woenntum emmbue hɔn ano annkasa annkyerɛ hɔnho mpo, na woenntum anntse iyi ase, na wɔdween dɛ ɔbɔfo na oeyi noho akyerɛ hɔn.

9 Na ɔbaa dɛ ɔtseen ne nsa na ɔkasaa kyerɛɛ nkorɔfo no see dɛ:

10 Hom nhwɛ, Emi nye Jesus Christ no a nkɔnhyɛfo gyee dase dɛ ɔbɛba wiadze no.

11 Na hwɛ, Emi nye wiadze akan nye nkwa no; na manom bkuraba wenwen no a Egya no dze maa me no ano, na mahyɛ Egya no enyimnyam dɛ cmefaa wiadze bɔn too mo do, na no mu na fitsi ahyɛse no maayɛ Egya ne d wɔ adze nyinara mu.

12 Na ɔbaa dɛ ber a Jesus kãa dɛm nsɛm yi no nyimpadodow no nyinara hwee famu; osiandɛ wɔkaa dɛ awɔahyɛ ho nkɔm wɔ hɔn mu dɛ Christ beyi noho akyerɛ hɔn ber a ɔafow akɔ sor n’ekyir no.

13 Na ɔbaa dɛ Ewuradze kasaa kyerɛɛ hɔn see dɛ:

14 Hom nsoɛr mbra me hɔ, ama hom eetum dze hom ansa akã me mfemu, na hom behu mprɛgow n’ananmu wɔ me nsa nye m’anan ho, ama hom eehu dɛ Emi nye cIsrael Nyankopɔn no, nye dasaase nyinara do Nyankopɔn a woeku no apata wiadze bɔn no.

15 Na ɔbaa dɛ nyimpadodow no kɔree, na wɔdze hɔn nsa kãa ne mfemu, na wohun mprɛgow n’ananmu wɔ ne nsa nye n’anan ho, na dɛm na hɔn nyinara yɛɛ, wɔkɔr no nkorkor kesii dɛ hɔn nyinara kɔree, na wɔdze hɔn enyiwa hunii, na wɔdze hɔn nsa so kãa hwɛe hun nokwar no na wɔgyee ho dase, dɛ aɔyɛ ɔno, nyia nkɔnhyɛfo no kyerɛɛw noho nsɛm dɛ ɔbɛba no.

16 Na ber a hɔn nyinara kɔree na hɔnankasa gyee ho dase no, wɔdze ndze kor tsẽaa mu see dɛ:

17 Hosanna! Nhyira nkã Ɔsorsor Nyankopɔn ne dzin! Na wotwae hwee Jesus n’ananadze, na awɔsɔɔr no.

18 Na ɔbaa dɛ ɔkasaa kyerɛɛ aNephi (na Nephi kã nyimpadodow no ho) na ɔsee no dɛ ɔmbra kan.

19 Na Nephi soɛree na ɔkɔr kan, na ɔbɔɔ no mu adze wɔ Ewuradze enyim na ofeew n’anan ho.

20 Na Ewuradze see no dɛ ɔnsoɛr. Na ɔsoɛree gyinaa n’enyim.

21 Na Ewuradze see no dɛ: Merema wo atum ma sɛ mofow kɔ sor bio a edze benuma nkorɔfo yi.

22 Na Ewuradze frɛɛ abinom so bio, na ɔkãa dɛmara so kyerɛɛ hɔn; na ɔmaa hɔn tum dɛ wonnuma. Na ɔsee hɔn dɛ: Dɛm kwan yi na hom mfa do nnuma; na mma hom mma bekyingye biara mmba hom mu.

23 Nokwar mese hom dɛ, obiara a ɔnam hom ansɛm do bonu noho wɔ no bɔn ho na bɔbɛpɛ dɛ wonuma no wɔ me dzin mu no, hom mfa dɛm kwan yi do nnuma no—Hwɛ, hom bɔkɔ cekegyina nsu no mu, na hom enuma no wɔ me dzin mu.

24 Na afei hwɛ, dɛm nsɛm yi na hom nkã, hom mbɔ ne dzin, nse dɛ:

25 Ɔnam atumdzi a Jesus Christ dze ama me no do, munuma wo wɔ bEgya, nye Ɔba, nye Sunsum Krɔnkrɔn ne dzin mu. Amen.

26 Na afei hom mfa no anhyɛ nsu no mu, na hom nyi no bio mfi nsu no mu.

27 Na dɛm kwan yi do na hom mfa nnuma wɔ me dzin mu; na hwɛ, nokwar mese hom dɛ, Egya nye Ɔba, nye Sunsum Krɔnkrɔn no yɛ akor; na mowɔ Egya no mu, na Egya no so wɔ mo mu, na Egya nye Ɔba no yɛ kor.

28 Na dɛ mbrɛ mahyɛ hom no, dɛmara na hom mfa nnuma. Na mma hom mma aekyingye biara mmba hom mu, dɛ mbrɛ esi pɛn no; eso mma hom mma ekyingye biara mmba hom mu a ɔfa me nkyerɛkyerɛ ho botae ho, dɛ mbrɛ esi hom mu pɛn no.

29 Na nokwar, nokwar mese hom dɛ, obiara a awentwiwentwi bsunsum wɔ no mu no nnyɛ medze, mbom ɔyɛ abɔnsam dze, ɔno nye wentwiwentwi n’egya, na onunu nyimpa hɔn akoma ma wɔdze ebufuw dzi aper.

30 Hwɛ, iyi nnyɛ me nkyerɛkyerɛ, dɛ medze ebufuw bonunu adasa hɔn akoma ma woetsia hɔnho; mbom iyi nye me nkyerɛkyerɛ, dɛ hom nyi dɛm ndzɛmba yi akwa.

31 Hwɛ, nokwar, nokwar, mese hom dɛ, mebɛda me ankyerɛkyerɛ edzi akyerɛ hom.

32 Na iyi nye me ankyerɛkyerɛ, na ɔyɛ nkyerɛkyerɛ a Egya no dze ama me; na megye Egya no ho bdase, na Egya no so gye moho dase, na cSunsum Krɔnkrɔn no so gye Egya no nye emi so ho dase; na megye dase dɛ Egya no ahyɛ adasa nyinara a wɔwɔ mbea nyinara do dɛ wonnu hɔnho na wɔngye me ndzi.

33 Na obiara a ɔgye me dzi, na awonuma no no, bwɔbɛgye no nkwa; na hɔn na cwobenya Nyankopɔn n’ahenman no ayɛ hɔndze.

34 Na obiara a ɔnnkɛgye me edzi na woennuma no no wobobu no fɔ.

35 Nokwar, nokwar, mese hom dɛ, iyi nye me nkyerɛkyerɛ, na megye ho dase dɛ ofi Egya no hɔ; na obiara a aɔgye me dzi no gye Egya no so dzi; na Egya no bɛgye moho dase akyerɛ no, na ɔdze bogya nye cSunsum Krɔnkrɔn no bɛba abɛsera no.

36 Na dɛm na Egya no dze bɛgye moho dase, na Sunsum Krɔnkrɔn no bɛgye Emi nye Egya no ho dase akyerɛ no; na Emi, na Egya no, nye Sunsum Krɔnkrɔn no yɛ kor.

37 Na mese hom bio dɛ, hom nnu homho, na hom anyɛ dɛ abofra kakraba, na wonnuma hom wɔ me dzin mu, annyɛ dɛm a hom nsa rennkã dɛm ndzɛmba yi.

38 Na mese hom bio dɛ ɔsɛ dɛ hom nu homho, na wonuma hom wɔ me dzin mu, na hom bɛyɛ dɛ mbofra, annyɛ dɛm a hom rinnya Nyankopɔn n’ahenman no nnyɛ homdze.

39 Nokwar, nokwar, mese hom dɛ, iyi nye me nkyerɛkyerɛ, na nyia aosi ne dan wɔ iyi do no si ne dan wɔ ɔbotan do, na bhɛl mbobow rinndzi no do konyim.

40 Na nyia ɔdze bi bɛkã iyi ho anaa obeyi bi efi mu, na ɔdze ato hɔ dɛ iyi yɛ me nkyerɛkyerɛ no, dɛm nyimpa no fi abɔnsam na onnsii dan no wɔ mo botan do; mbom osi dan no wɔ aanhwea fapem do na sɛ nsuyirii ba na ehum tu no a hɛl mbobow no bobue agye no.

41 Dɛm ntsi, hom nkɔ nkorɔfo yi hɔ, na hom nkɛda nsɛm a makã yi edzi nkyerɛ nyimpa a wɔwɔ asaase n’ano n’ano.