1 Na afei hwɛ, ɔkra tseasefo biara nnyi Nephifo no mu a ɔgyee kyim ketseketse mpo wɔ nkɔnhyɛfo krɔnkrɔn no hɔn nsɛm a wɔkãe no ho; na wonyim dɛ ɔwɔ so dɛ ɔhyɛ mã.

2 Na wonyim dɛ oye dɛ Christ aba, na osian nsɛnkyerɛdze pii a woeyi akyerɛ a ɔfa no mbrɛ nkɔnhyɛfo hɔn nsɛm tse nye ndzɛmba a etwa mu kɔ dada ntsi wonyim dɛ ɔwɔ dɛ ndzɛmba nyina ba mu dɛ mbrɛ wɔakã ho nsɛm no.

3 Dɛm ntsi wogyaa hɔn bɔn nye hɔn ebusudze, nye hɔn ndwamambɔ nyina yɛ, na wɔdze hɔn ahoɔdzen nyina soom Nyame adzekyee nye adzesaa.

4 Na afei ɔbaa dɛ ber a wɔfaa edwotwafo no nyina adaduafo no, hɔn a wɔaka no so mu biara emmfi nsa a woennku no, na wɔdze hɔn adaduafo no guu efiadze, na wɔmaa wɔkãa Nyankopɔn n’asɛm kyerɛɛ hɔn; na dodow a wonuu hɔnho wɔ hɔn bɔn ho na wodzii ahyɛmu dɛ worinndzi ewu bio no, wogyaa hɔn ma wonyaa ^aahotɔ.

5 Mbom hɔn mu dodowara a wɔwɔ hɔ a woenndzi ahyɛmu no, na wohun dɛ ewudzisɛm da ho suma hɔn akoma mu, nyew, dodowara a wohun hɔn dɛ worupuw hɔn nuanom no, wobuu hɔn fɔ na wɔtwee hɔn aso dɛ mbrɛ mbra no se.

6 Na dɛm maa wɔdze dɛm emumuyɛdze nye nsumaamu fɛkuwbɔ no a ɔmaa wɔyɛɛ emumuyɛdze na wodzii ewu pii no baa ewiei.

7 Na dɛm na afe a ɔtɔ do ^aeduonu ebien dze bɛsenee na afe a ɔtɔ do eduonu ebiasa so dɛmara, na afe a ɔtɔ do eduonu anan, nye eduonu enum so dɛmara na ɔbɛsenee.

8 Na ndzɛmba pii sisii a ɔyɛ akɛse na ɔyɛ nwanwa so wɔ binom enyido; naaso woenntum annkyerɛw ne nyina wɔ nwoma yi mu, nyew, dza wɔyɛɛ wɔ dɛm dɔm yi mu wɔ mfe eduonu enum ntamu no, sɛ ^awɔkyɛ mu ɔha a no mu kor mpo ronnkɔ nwoma yi mu.

9 Mbom hwɛ ^anwoma bi wɔ hɔ a wɔakyerɛw dɛm ndzɛmba yi a ɔfa dɔm yi ho wɔ mu; Nephi akyerɛw dza oesi a ɔyɛ nokwar no nyina na mbom oetwitwa no ntsiantsia.

10 Dɛm ntsi makyerɛw dɛm ndzɛmba yi nyina dɛ mbrɛ Nephi ne kyerɛwsɛm no tse, dza nna woekrukye wɔ mprɛtse a wɔfrɛ no Nephi mprɛtse no do no.

11 Na hwɛ, merekyerɛw abakɔsɛm no wɔ mprɛtse a medze mankasa me nsa yɛɛ yi do.

12 Na hwɛ, wɔfrɛ me ^aMormon, ^basaase Mormon dzin no nna wɔdze frɛ me, asaase no a Alma kyekyeer asɔr wɔ do dze maa dɔm no, nyew, asɔr a odzi kan a wɔkyekyeree wɔ hɔn mu wɔ hɔn mbrato ekyir no.

13 Hwɛ, meyɛ Jesus Christ, Nyankopɔn ne Ba no no suanyi. Ɔafrɛ me dɛ menda n’asɛm no edzi wɔ no nkorɔfo mu, ama woeenya daapem nkwa.

14 Na oye dɛ emi, dɛ mbrɛ Nyankopɔn ne pɛ tse no, mebɛma hɔn a woewu kɔ no, hɔn a nna wɔyɛ krɔnkrɔn no, hɔn mpaabɔ a wɔnam gyedzi do bɔe dɛ ^awɔnkyerɛw ndzɛmba a obesi nyina nto hɔ no ahyɛ mã—

15 Nyew, wɔnkyerɛw biribi kakra a ɔfa ndzɛmba a esisi fitsi ber a Lehi fii Jerusalem bae no dze besi ndɛ.

16 Dɛm ntsi, merekyerɛw efi abakɔsɛm a hɔn a woedzi m’enyim kan kɔ no akyerɛw ato hɔ dze kesi da a mo so me mber hyɛɛ ase no.

17 Na hwɛ ^amerekyerɛw ndzɛmba a mankasa medze m’enyiwa ehu.

18 Na minyim dɛ nsɛm a merekyerɛw yi si pi na ɔyɛ nokwar so; naaso ndzɛmba pii wɔ hɔ a, dɛ mbrɛ hɛn kasaa tse no ntsi, yerunntum ^annkyerɛw.

19 Na afei medze me nsɛm aba ewiei; dza ɔfa mankasa moho no, na afei merebɛkã dza ɔfa ndzɛmba a osii ansaana wɔrowo me.

20 Emi nye Mormon, meyɛ Lehi n’asenyi mapã. Na mowɔ siantsir a ɔsɛ dɛ motonton me Nyame nye m’Agyenkwa Jesus Christ, dɛ ɔno na oyii hɛn egyanom fii Jerusalem asaase do bae, (na ^aobiara nnyim gyedɛ ɔnoara nko nye hɔn a oyii hɔn fii asaase no do bae no) na dɛ ɔama emi nye mo nkorɔfo dɛm nyimdzee a ɔfa hɛn akra no nkwagye ho.

21 Nokwar, oehyira ^aJacob ne ^bfifo, na oehu Joseph n’asefo ^cmbɔbɔr.

22 Na ^amber dodow biara a Lehi ne mba no dzii ne mbrasɛm do no, ohyiraa hɔn na ɔyɛɛ hɔn prɔmprɔm dɛ mbrɛ n’asɛm se.

23 Nyew, na nokwar ɔdze Joseph n’asefo ^ankaa bɛba bio ma woeebenya Ewuradze hɔn Nyankopɔn noho ^bnyimdzee.

24 Na nokwar dɛ Ewuradze tse ase yi, ɔbɛtase Jacob n’asefo a wɔabɔ hɔn apetse wɔ asaase nyina enyi do no efi asaase ne mfɛndzanan nyina ^aaboa ano.

25 Na dɛ mbrɛ ɔnye Jacob ne fifo dzii ahyɛmu no, dɛmara so mpo na ahyɛmu a ɔnye Jacob n’asefo edzi no bɛhyɛ mã wɔ nankasa ne ber mu, ama Jacob fifo do ^aasan eenya ahyɛmu a ɔnye hɔn dzii no ho nyimdzee.

26 Na nkyii ^awobohu hɔn Pomfo no a ɔyɛ Jesus Christ, Nyankopɔn ne Ba no; na nkyii wɔbɛtase hɔn efi asaase ne mfɛndzanan nyina aboa ano wɔ hɔnankasa hɔn asaase do, bea a wɔwɔ ma wɔabɔ hɔn apetse no; nyew, dɛ Ewuradze tse ase yi ɔbɛyɛ hɔ. Amen.