1 Na hwɛ, da no reba, na ^aɔbɛhyew dɛ fononoo; na ^bahopɔwfo nyina, nyew, na hɔn a wɔyɛ emumuyɛ nyina bɛyɛ dɛ mburonan; na da a ɔreba no bɛhyew hɔn, Dɔm Ewuradze na ɔse, dɛ orinngya hɔn ndwow anaa abaw.

2 Mbom hom a hom suro me dzin no dze, ^aTsenenee Ɔba no bɔsoɛr dze ayarsa wɔ ne ntsaban mu epue ama hom; na hom befir edzi kan na hom ^benyin dɛ anantwiban mu ^canantwifɔr.

3 Na hom ^abetsiatsia emumuyɛfo do; na wɔbɛyɛ nso wɔ hom ananadze wɔ da a mebɛyɛ iyi no mu, Dɔm Ewuradze na ɔse.

4 Hom nkaa m’akowaa Moses mbra a mehyɛɛ no wɔ ^aHoreb dze maa Israel nyinara no, nye ahyɛdze na atsɛmbu no.

5 Hwɛ, mobɔsoma nkɔnhyɛnyi ^aElijah ma brɛ hom ansaana Ewuradze ne ^bda kɛse no a ɔyɛ hu no edu;

6 Na ɔno na ^aɔbɛdandan egyanom hɔn akoma aba mba do, na mba hɔn akoma aba hɔn egyanom do, amma maammfa ndom mammbɔbɔ asaase no.