John Onumanyi no Hwɛ Aaron Asɔfodzi; Elias iyi so Zacharias na Elisabeth hɔn babanyin wɔ Ahyɛmu Fofor no mu. Wɔsomaa John dɛ ombesiesie nkorɔfo no ma wɔngye Messiah no (John 1:19–27). Nna ɔno okitsa Aaron Asɔfodzi no ne nsaafee na onumaa Jesus Christ. Isaiah na binom so hyɛɛ John no dwumadzi no ho nkɔm, Isa. 40:3 (Mal. 3:1; 1 Ne. 10:7–10; 2 Ne. 31:4). Wɔdze no too efiadze na wotwaa ne tsir, Matt. 14:3–12 (Mark 6:17–29). Gabriel kãa John n’awoo na no somdwuma ho asɛm kyerɛɛ Zacharias, Luke 1:5–25. Jesus kyerɛkyerɛɛ dɛ John Onumanyi no yɛ nkɔnhyɛnyi kɛse, Luke 7:24–28. Ohun Jesus Christ dɛ ɔno nye Nyankopɔn ne Ba no, John 1:29–34. John n’esuafo bɛyɛɛ Jesus n’esuafo, John 1:25–29, 35–42 (Ndwu. 1:21–22). Ɔannyɛ anwanwadze, John 10:41. Dɛ nyia woenyan no efi ewufo mu no, wɔsomaa no dɛ ɔmbɛhyɛ Joseph Smith na Oliver Cowdery Aaron Asɔfodzi no, N&A 13 (N&A 27:7–8; JS—Aba 1:68–72). Ɔbɔfo bɛhyɛɛ no ɔsɔfo ber a odzii nda awɔtwe no, N&A 84:28.