Abakan

Tsetseberdo patriarchfo aber do, mbabanyin mu abakan no na onya awo mu panyin no (Gen. 43:33). Sɛ egya no wu a ɔno na odzi adze na ɔhwɛ ebusua no do. Abakan no wɔ dɛ ɔyɛ obi a odzi mu ama oeetum edzi dɛm dwumadzi yi (1 Mber. 5:1–2) na obotum ayew awo mu panyin no sɛ ɔammbɔ ɔbra tsenenee a.

Moses mbra ase no kyerɛ dɛ, mbabanyin mu abakan no wɔfa no dɛ ɔyɛ Nyame dze. Abakan no ne nsa kã dza egya no wɔ nyinara mu kyɛfa mbɔho ebien (Deut. 21:17). N’egya no wu ekyir no ɔyɛ n’asɛdze dɛ ɔhwɛ ne nã na ne nkyerɛbaa no.

Mbowa nyin mu mbakan no so yɛ Nyame dze. Mbowa a hɔn ho tsew no na wɔdze bɔɔ afɔr, na mbowa a hɔnho nntsew no wotumii wɔpoon hɔn anaa wokuum hɔn (Ex. 13:2, 11–13; 34:19–20; Lev. 27:11–13, 26–27).

Abakan no gyina hɔ ma Jesus Christ na No som wɔ asaase do, ɔkaa nkorɔfo no dɛ Agyenkwa kɛse no bɛba (Moses 5:4–8; 6:63).

Jesus nye hɛn Ɔsor Egya N’esunsum mba no mu abakan, nyia Egya no Woo no Kortoo no wɔ honam mu, na nyia obedzi kan asoɛr efi owu mu wɔ Owusoɛr no mu (Col. 1:13–18). Ahotseweefo anokwafo bɛyɛ Abakan no N’Asɔrmba wɔ onnyiewiei mu (N&A 93:21–22).