Genesis

Genesis nwoma no yɛ Ahyɛmu Dadaw mu nwoma a odzi kan na nkɔnhyɛnyi Moses kyerɛwee. Ɔkã ndzɛmba pii hɔn ahyɛse ho nsɛm, biribi tse dɛ asaase no mbɔe, mbrɛ osii ma mbowa na nyimpa baa asaase do, Adam na Eve hɔn Asehwe, asɛmpa no ho nsɛm a woyii kyerɛɛ Adam, ebusuakuw na nyimpa horow hɔn ahyɛse, kasa horow n’ahyɛse wɔ Babel, na Abraham n’ebusua a ekyir no ɔbɛyɛɛ Israel fifo. Dwuma a Joseph dzii dze bɔɔ Israelmba ho ban no woetsi mu akã ho nsɛm wɔ Genesis mu.

Nda a odzi ekyir nyikyerɛ kyerɛkyerɛ Genesis abakɔsɛm mu petee (1 Ne. 5; Ether 1; Moses 1–8; Abr. 1–5).

Genesis nwoma no mu, Etsir 1–4 kã mbrɛ wosii bɔɔ wiadze na Adam n’ebusua no mpontu ho asɛm. Etsir 5–10 kã Noah n’abakɔsɛm ho asɛm. Etsir 11–20 kã Abraham n’ebusua ho asɛm dze kesi Isaac n’aber do. Etsir 21–35 sɔw Isaac n’ebusua ho asɛm no do. Tsir 36 kã Esau na n’ebusua ho asɛm. Etsir 37–50 kã Jacob n’ebusua ho asɛm na ɔkã mbrɛ wosii tɔɔn Joseph kɔr Egypt na dza ɔyɛe dze gyee Israel fifo nkwa ho asɛm.