Ether Nwoma No
Jaredfo hɔn abakɔsɛm a woyii fii mprɛtse eduonu anan no a Limhi no nkorɔfo no hunii wɔ Ɔhen Mosiah n’aber do no.
Tsir 1
Moroni twitwa Ether ne nsɛm do yɛ no ntsiantsia—Wɔdze Ether n’ebusuasantsen to gua—Jaredfo kasaa anntõtõ wɔ Babel Abantsentsen no ho—Ewuradze bɔ hɔn anohoba dɛ obegya hɔn akɔ asaase a ɔasan mu eyi ama hɔn do na ɔayɛ hɔn ɔman kɛse.
1 Na afei emi, aMoroni merebɛhyɛ ase makã dza ɔfa tsetsemba no a wɔwɔ etsifi no a Ewuradze dze ne bnsa sɛɛ hɔn fii asaase yi enyido no ho nsɛm.
2 Na me nsɛm yi mefa fi amprɛtse eduonu anan no a Limhi no nkorɔfo hunii no a wɔfrɛɛ no Ether Nwoma no do.
3 Na mosusu dɛ dɛm kyerɛwsɛm yi n’ahyɛse fa wiadze ne mbɔe ho, na Adam so, nye nsɛm a ofi dɛm aber no do dze ba aabantsentsen kɛse no aber do, nye ndzɛmba a osii wɔ adasamba mu dze besi dɛm aber no do no, wɔ Jewfo no hɔ.
4 Dɛm ntsi merennkyerɛw dɛm ndzɛmba a osii fi aAdam aber do dze besi dɛm aber no; mbom ɔwɔ mprɛtse no do; na nyia obohu no, ɔnoara so na obenya tum no ama ne nsa akã abakɔsɛm nkaa no nyina.
5 Mbom hwɛ, meremma hom abakɔsɛm no nyina, na mbom no mu kakra na medze rema hom, ofi abantsentsen no do dze kesi ber a wɔsɛɛ hɔn no.
6 Na dɛm kwan yi na merefa do dze akã dza osii no. Nyia ɔkyerɛɛw dɛm kyerɛwsɛm yi nye aEther, na ɔyɛ Coriantor n’asenyi.
7 Moron ne babanyin nye Coriantor.
8 Na Ethem ne babanyin nye Moron.
9 Na Ahah ne babanyin nye Ethem.
10 Seth ne babanyin nye Ahah.
11 Shiblon ne babanyin nye Seth.
12 Com ne babanyin nye Shiblon.
13 Coriantum ne babanyin nye Com.
14 Amnigaddah ne babanyin nye Coriantum.
15 Aaron ne babanyin nye Amnigaddah.
16 Na Aaron yɛ Heth a ɔyɛ Hearthom ne babanyin n’asenyi.
17 Na Lib ne babanyin nye Hearthom.
18 Na Kish ne babanyin nye Lib.
19 Na Corom ne babanyin nye Kish.
20 Na Levi ne babanyin nye Corom.
21 Na Kim ne babanyi nye Levi.
22 Na Morianton ne babanyin nye Kim.
23 Na Morianton yɛ Riplakish n’asenyi.
24 Na Shez ne babanyin nye Riplakish.
25 Na Heth ne babanyin nye Shez.
26 Na Com ne babanyin nye Heth.
27 Na Coriantum ne babanyin nye Com.
28 Na Emer ne babanyin nye Coriantum.
29 Na Omer ne babanyin nye Emer.
30 Na Shule ne babanyin nye Omer.
31 Na Kib ne babanyin nye Shule.
32 Na Orihah a ɔyɛ Jared ne babanyin no ne babanyin nye Kib.
33 Dɛm aJared yi nna ɔnye no nuabanyin na hɔn ebusuafo, nye binom so na hɔn ebusuafo, fii dɛm abantsentsen kɛse no ho baa, wɔ dɛm ber no a bEwuradze totõo dɔm no hɔn kasaa no, na ɔdze ebufuw kãa ntam dɛ wɔmpetse casaase nyina enyido; na dɛ mbrɛ Ewuradze n’asɛm tse no, dɔm no bɔɔ apetse.
34 Na aJared ne nuabanyin no sõ na ɔyɛ obi a ɔwɔ ahoɔdzen, na ne bra so sɔ Ewuradze enyi ara yie, Jared, no nuabanyin no see no dɛ: Sũ frɛ Ewuradze dɛ mma ɔmma ntõtõ mmba hɛn mu na yɛntse hɛn kasaa ase.
35 Na ɔbaa dɛ Jared no nuabanyin no sũi frɛɛ Ewuradze, na Ewuradze nyaa ayamuhyehye maa Jared; dɛm ntsi ɔanntõtõ Jared ne kasaa; na Jared nye no nuabanyin no hɔn mu anntõtõ.
36 Nkyii Jared see no nuabanyin no dɛ: Sũ frɛ Ewuradze bio, na sɛ ɔbɛdan n’ebufuhyew efi hɔn a wɔyɛ hɛn anyɛnkofo no do a, amma ɔanntõtõ hɔn kasaa.
37 Na ɔbaa dɛ Jared no nuabanyin no sũi frɛɛ Ewuradze, na Ewuradze nyaa ayamuhyehye maa hɔn anyɛnkofo nye hɔn ebusuafo so ma ntõtõ ammba hɔn mu.
38 Na ɔbaa dɛ Jared kasaa bio kyerɛɛ no nuabanyin no, see dɛ: Kɔ na kebisa Ewuradze dɛ sɛ ɔbɛpam hɛn efi asaase yi do a, na sɛ ɔbɛpam hɛn efi asaase yi do a, sũ frɛ no na bisa no dɛ hen na yɛnkɔ. Na woana na onyim dɛ mbom Ewuradze dze hɛn bɔkɔ asaase bi a aɔbɔ asaase nyina a ɔwɔ wiadze do? Na sɛ ɔba no dɛm a, hom mma yendzi nokwar mma Ewuradze, ama hɛn nsa aakã asaase no dze ayɛ hɛn egyapadze.
39 Na ɔbaa dɛ Jared no nuabanyin no sũi frɛɛ Ewuradze dɛ mbrɛ Jared buee n’ano kãe no.
40 Na ɔbaa dɛ Ewuradze tsiee Jared no nuabanyin no, na ohun no mbɔbɔr, na ɔsee no dɛ:
41 Kɔ na kɔboaboa wo nguankuw, no mu enyin na aber nyina; nye aba ahorow nyina so a ɔwɔ asaase no do; nye hom aebusua ebusua nyina; na wo nuabanyin Jared so nye n’ebusua; nye bw’anyɛnkofo so nye hɔn ebusua ebusua nyina, na Jared n’anyɛnkofo nye hɔn ebusua ebusua so nyina.
42 Na ber a ayɛ iyi ewie no, adzi hɔn enyim kan na enye hɔn nkɔ bɔnsa no a ɔwɔ etsifi afamu no mu. Na mibehyia wo wɔ hɔ, na bmibedzi w’enyim dze wo akɔ asaase bi a cɔbɔ asaase nyina a ɔwɔ wiadze yi mu no do.
43 Na hɔ na mibehyira ɔwo nye w’asefo, na mebɛyɛ w’asefo nye wo nuabanyin n’asefo, nye hɔn a wɔnye wo bɔkɔ no ɔman kɛse dze ama moho. Na ɔman biara nnyi hɔ a ɔbɛyɛ kɛse asen ɔman a medze w’asefo rebɛyɛ ama moho wɔ asaase nyina enyido. Na dɛm na mebɛyɛ ama wo osiandɛ mbertsentsen yi na esũ afrɛ me.