Nyimpa bi a wɔafrɛ no dze no esi hɔ na ɔkasa ma Nyankopɔn. Dɛ nkɔnhyɛnyi yɛ Nyankopɔn No somafo no, onya mbrasɛm, nkɔnhyɛsɛm, na nyikyerɛ fi Nyankopɔn hɔ. N’asodzii nye dɛ ɔda Nyankopɔn Ne pɛ na mbrɛ no su ankasa tse edzi kyerɛ adasa mba na ɔkyerɛ hɔn kwan a Ɔnye hɔn nam do no ase. Nkɔnhyɛnyi kasa tsia bɔn na odzi kan kã mbrɛ no nsunsuando tse. Ɔkã ndzeyɛtsenenee ho asɛm. Aber bi wɔ hɔ a, nkɔnhyɛfo botum enya nkenyan bi a wɔdze bedzi kan akã dza obesi ndaamba dze aboa adasamba. N’asodzii a odzi kan nye dɛ ɔbɛgye Christ ho dase. Jesus Christ N’Asɔr a ɔwɔ hɔ ma Nda a Odzi Ekyir Ahotseweefo ne President yɛ Nyankopɔn No nkɔnhyɛnyi a ɔwɔ asaase do ndɛ. President a Odzi Kan na n’Apamfo no nye Asomafo Duebien no wɔma hɔn tsipia dɛ nkɔnhyɛfo, adzehufo, na nyikyerɛfo.