Mbermunsɛm
Nwoma ebien bi a ɔwɔ Ahyɛmu Dadaw no mu. Wɔkã abakɔsɛm a ɔfa ndzɛmba a osisii fi Abɔdze n’ahyɛse dze kesi ber a Cyrus bɔɔ dawur dze maa Jewfo kwan dɛ wɔnsan nkɔ Jerusalem no.
Mbermunsɛm a odzi kan
Etsir 1–9 no kã ebusuasantsen a ofi Adam do dze kesi Saul do ho asɛm. Tsir 10 kã Saul no wu ho asɛm. Etsir 11–22 kã nsɛm a osisii David n’ahendzi mu ho asɛm. Etsir 23–27 no kyerɛ mu dɛ wɔhyɛɛ Solomon hen na wɔdze Levifo sisii hɔn sibea. Tsir 28 kyerɛ mu dɛ David hyɛɛ Solomon dɛ onsi temple. Tsir 29 kã David no wu ho asɛm.
Mbermunsɛm a otsĩa ebien
Etsir 1–9 kyerɛ nsɛm a osisii a ɔfa Solomon n’ahendzi ho. Etsir 10–12 kã Solomon ne babanyin Rehoboam n’ahendzi ho asɛm, aber no mu na Israel ahenman no mu kyɛɛ ebien; ahenman a ɔwɔ etsifi na ahenman a ɔwɔ anaafo. Etsir 13–36 no kyerɛ mbrɛ ahemfo horow no sii dzii hen kodur dɛ Nebuchadnezzar faa Judah ahenman no ndɔmmum no. Nwoma no n’ewiei nye ber a Cyrus hyɛɛ ɔmom dɛ Judah no ndɔmmum mu mba no nsan nkɔ Jerusalem no.