Enyi, Enyiwa Kyerɛwsɛm no mu no, wɔkã enyiwa a nna ɔyɛ ngyinahɔmadze a ɔkyerɛ nyimpa ne mbɔdzembɔ a ɔma ohu Nyame ne kan no. Ngyinahɔmadze mu no nyimpa n’enyiwa so kyerɛ sunsum mu gyinabew na Nyame ne ndzɛmba ho ntseasee. Ewuradze ne mbrasɛm ho tsew, ɔtsew enyi, Ndw. 19:8. Ɔkwasea wɔ enyiwa na onnhu adze, Jer. 5:21 (Mark 8:18). Nyimpadua ne kandzea nye enyiwa, Matt. 6:22 (Luke 11:34; 3 Ne. 13:22; N&A 88:67). Nhyira akã hom enyiwa dɛ ohu adze, Matt. 13:16. Hom adwen enyi bɛtsew, Eph. 1:17–18. Wondue, hɔn a wɔyɛ hɔnankasa hɔn enyi do enyansafo, 2 Ne. 15:21 (Isa. 5:21). Wɔhyɛɛ ase dɛ wɔrekye kɔm na wɔrobɔ mpaa ama nkorɔfo no enyi ebue, Mosiah 27:22. Satan furaa hɔn enyi, 3 Ne. 2:2. Obiara nnkenya tum dze Mormon Nwoma no epue gyedɛ n’enyiwa yɛ kor wɔ Nyankopɔn n’enyimnyam nkotoo ho, Morm. 8:15. Ɔnam sunsum no tum do na hɛn enyi buei, na hɛn adwen mu tsewee, N&A 76:12. Kan no dua ɔno no mu, na obue hom enyi, N&A 88:11. Sɛ hom enyi tsim m’enyimnyam nkotoo do a, kan bɛhyɛ hom nyimpadua nyina mã, N&A 88:67.