Lehi, Nephi n’egya

Mormon Nwoma no mu no, Hebrewnyi nkɔnhyɛnyi bi a ɔnye n’ebusua nye akadofo fii Jerusalem kɔr anohoba asaase do wɔ anee afamu bɛyɛ afe 600 Ansaana wɔrobɔwo Christ. Lehi nye nkɔnhyɛnyi a odzi kan wɔ no nkorɔfo mu wɔ Mormon Nwoma no mu.

Ewuradze hyɛɛ Lehi nye n’ebusua ma woguanee fii Jerusalem (1 Ne. 2:1–4). Ɔyɛ Joseph n’asenyi, nyia wɔtɔɔn no kɔr Egypt no (1 Ne. 5:14). Ewuradze maa no nkwadua ho enyido-adzehu (1 Ne. 8:2–35). Lehi nye ne mbabanyin paam hɛn na wopiae too po enyi na wɔkɔr anee afamu (1 Ne. 17–18). Ɔno ɔnye n’asefo tsenaa asaase fofor do (1 Ne. 18:23–25). Ansaana Lehi rubowu no ohyiraa ne mbabanyin no na ɔkyerɛkyerɛɛ hɔn Christ noho nsɛm nye Mormon Nwoma a ɔbɛba wɔ nda a odzi ekyir no mu no (2 Ne. 1:1–4:12).