Atsɛmbuafo Nwoma

Ahyɛmu Dadaw no mu nwoma. Atsɛmbuafo nwoma no kã Israelmba ho nsɛm fi ber a Joshua wui dze kesi Samuel n’awoo do.

Etsir 1–3 yɛ atsɛmbuafo nwoma no nyina no nyienyim. Ɔkyerɛ mu dɛ osiandɛ Israelmba no ammpam hɔn atamfo no ntsi (Atsɛ. 1:16–35), Israelmba no bohu amandze wɔ ho: Wɔbɛyew hɔn gyedzi, wɔbɔwar hɔn a wɔnnyɛ agyedzifo, na wɔayɛ abosonsɔrfo. Etsir 4–5 kã Deborah nye Barak, a wɔgyee Israelfo fii Canaanfo nsamu no hɔn suahu ho nsɛm. Etsir 6–8 yɛ Gideon no suahu a ɔma gyedzi mpontu, nyia Ewuradze hyiraa no ma ɔgyee Israelfo fii Midianfo no nsamu. Etsir 9–12 mu no, nyimpa horow pii na wɔyɛɛ atsɛmbuafo wɔ Israel mber a Israefo hɔn mu dodowara yeew hɔn gyedzi na wɔhyɛɛ ahwɛdofo ahɔho ahendzi ase no. Etsir 13–16 kã Samson, ɔtsɛmbuafo a odzii ewiei no, no nsoɛree na n’asehwe ho nsɛm. Etsir a odzi ewiei koraa, 17–21, wobotum akyerɛ mu dɛ ɔno nye mbɔekyir a ɔda mbrɛ Israel no bɔn no bun no tse edzi.