Ɔkyerɛ adasamba nyinara, mbanyin na mbaa nyinara. Mbanyin na mbaa nyina yɛ Ɔsor Egya N’esunsum mba ankasa. Ber a wɔbɔwo hɔn aba ɔnnkyebo asetsena mu no wonya, nyimpadua a ɔnnkyebo. Nyimpadua yinom no wɔbɔɔ hɔn Nyankopɔn No su do (Gen. 1:26–27 ). Mbanyin na mbaa a wɔyɛ nokwafo na wɔbɛyɛ ayɛdze a ohia, na wobedzi hɔn ahyɛmu do, na wobedzi Nyankopɔn Ne mbra do no bɛhɛn hɔn nkwagye ntowdo mu na wɔabɛyɛ dɛ Nyankopɔn.
Minyim dɛ nyimpa nnsɛ hwee, Moses 1:10 .
Nyankopɔn n’edwuma na n’enyimnyam nye dɛ ɔdze bɛkyebo na onnyiewiei nkwa bɛma nyimpa, Moses 1:39 .
Ɔdasanyi, Ɔsor Egya no sunsum ba
Wɔdze hɔn enyim butubutuuw famu, na wɔsee dɛ, Ao Nyankopɔn, honam nyinara hɔn esunsum Nyankopɔn, Nka. 16:22 (Nka. 27:16 ).
Hom yɛ Ewuradze hom Nyankopɔn ne mba, Deut. 14:1 .
Hom yɛ enyame na hom nyinara yɛ Ɔsorsornyi ne mba, Ndw. 82:6 .
Hom yɛ Nyame tseasefo ne mbabanyin, Hosea 1:10 .
Ana nnyɛ Egya kor na hɛn nyinara yɛwɔ? Ana nnyɛ Nyankopɔn kor na ɔbɔɔ hɛn, Mal. 2:10 .
Yɛyɛ Nyankopɔn ne mba, Ndwu. 17:29 .
Sunsum nankasa dzi dase dɛ yɛyɛ Nyankopɔn ne mba, Rom. 8:16 .
Hom mfa homho nhyɛ esunsum Egya n’ase, Heb. 12:9 .
Nkorɔfo a wɔwɔ wiadze mu no wɔwoo hɔn Nyame ne mbabanyin na mbabaa, N&A 76:24 .
Ahyɛse no nna nyimpa nye Egya no wɔ hɔ, N&A 93:23, 29 .
Nyankopɔn bɔɔ nyimpa nyinara wɔ sunsum mu, ansaana wɔreba asaase enyi do, Moses 3:5–7 .
Meyɛ Nyame; Meyɛɛ wiadze, na nyimpa ansaana wɔreba honam mu, Moses 6:51 .
Ɔdasanyi ne ndaamba dɛ ɔbɛyɛ dɛ Ɔsor Egya
Dɛm ntsi hom ndzi mu, mpo dɛ mbrɛ hom Egya dzi mu no, Matt. 5:48 (3 Ne. 12:48 ).
Ana wɔnnkyerɛwee wɔ hom mbra mu dɛ hom yɛ enyame, John 10:34 (N&A 76:58 ).
Yɛbɛyɛ Nyankopɔn n’adzedzifo na Christ n’afɛadzedzifo, Rom. 8:17 .
Eyɛ ɔba, na sɛ eyɛ ɔba a, nna enam Christ do yɛ Nyankopɔn n’adzedzinyi, Gal. 4:7 .
Ber a ɔbɛda noho edzi no, yɛbɛyɛ dɛ ɔno, 1 Jn. 3:2 .
Nyia obedzi konyim no mebɛma ɔnye me atsena m’ahengua do, Nyi. 3:21 .
Hɔn a wobenya celestial N&A 76:50, 58 .
Nkyii wɔbɛyɛ enyame, osiandɛ wɔwɔ tum nyina, N&A 132:20 .