Ebupɛn du, Ebupɛn du Ntuae Hwɛ Afɔrbɔ; Sika iyi so Nyimpa n’afe mu mfaso nkyekɛmu du no mu kor a wodua Asɔr no do dze ma Ewuradze. Ebupɛn du foto no wɔdze sisi nsɔr na temple, wɔdze hwɛ ɔsomdwuma do, na wɔdze kyekyer Nyankopɔn n’ahenman wɔ asaase do. Abraham dze dza ɔwɔ nyina mu ebupɛn du maa Melchizedek, Gen. 14:18–20 (Heb. 7:1–2, 9; Alma 13:15). Ebupɛn du nyina yɛ Ewuradze dze, ɔyɛ krɔnkrɔn ma Ewuradze, Lev. 27:30–34. Ɔwɔ dɛ itua wo ndɔbaa no mu ebupɛn du no nokwar mu, Deut. 14:22, 28. Ndzɛmba nyina mu ebupɛn du no na wɔdze baa pii, 2 Mber. 31:5. Aso nyimpa bowia Nyame? Ebɛnadze mu na yewia wo? Ebupɛn du na afɔrbɔdze mu a, Mal. 3:8–11 (3 Ne. 24:8–11). Nyia otua n’ebupɛn du no wɔnnkɛhyew no wɔ ne mbae no mu, N&A 64:23 (N&A 85:3). Wɔdze no nkorɔfo hɔn ebupɛn du besi Ewuradze ne fi, N&A 97:11–12. Ewuradze yii ebupɛn du ho mbra no kyerɛe, N&A 119. Abaguafo na wɔdze ebupɛn du no bɛma, N&A 120.