Joel
Nkɔnhyɛnyi bi a nna ɔwɔ Judah asaase do wɔ Ahyɛmu Dadaw mu no. Yennyim no nkwada no mu papa—Ɔbɛyɛ dɛ ɔtsenaa ase bɛyɛ Joash n’ahendzi aber do afe 850 Ansaana Wɔrobɔwo Christ, nye ber a Judah ebusuakuw no ribefi ndɔmmum mu wɔ Babylon aba ntamu.
Joel nwoma
Nwoma no ne tsitsir gyina nkɔm a Joel hyɛe ekyir no a nsu anntɔ na mbɛbɛw baa Judah asaase do no (Joel 1:4–20). Joel hyɛɛ nkorɔfo no nkuran dɛ wɔnam nnuho do na wɔbɛsan enya Nyankopɔn ne nhyira (Joel 2:12–14).
Tsir 1 no yɛ ɔfrɛ a ɔfrɛɛ hɔn ma wohyiaa mu awɔse mu wɔ Ewuradze ne fie. Tsir 2 kã ɔkõ na amamfoyɛ a ɔbɛba ansaana Mfe Apem ber no edu ho nsɛm. Tsir 3 no kã nda a odzi ekyir no ho asɛm na osi no pi dɛ ɔkõ besi aman nyina mu na ekyir no Ewuradze bɛba abɛtsena Zion.
Peter kãa Joel no nkɔnhyɛ no a ɔfa Sunsum no a wobohue egu Pentecost da no mu no ho asɛm (Joel 2:28–32; Ndwu. 2:16–21). Ɔbɔfo Moroni so kãa dɛm nsɛm yi dze kyerɛɛ Joseph Smith (JS—Aba 1:41).