Ɔsɔfopanyin

Dzibew a ɔwɔ asɔfodzi no mu. Kyerɛwsɛm no kã fa “ɔsɔfopanyin” ho wɔ akwan ebien mu: (1) dzibew a ɔwɔ Melchizedek Asɔfodzi no mu; na (2) Moses mbra ase no, ɔsɔfo a ɔhwɛ Aaron Asɔfodzi do.

Dza odzi kan no wɔdze ma Jesus Christ dɛ ɔno nye Ɔsɔfopanyin kɛse no. Adam nye patriarchfo no nyinara so yɛ asɔfompanyimfo. Ndɛ, asɔfompanyin banodzifo baasa na wɔyɛ Asɔr no ne President na n’Apamfo a wɔhwɛ hɔn a wokitsa asɔfodzi no nye Asɔrmba no nyinara do. Wɔhyɛ mbanyin a wodzi mu binom so asɔfompanyin ber a ɔfata wɔ Asɔr no nyina mu ndɛ. Wotum frɛ asɔfompanyin no, dze hɔn si hɔ, na wɔyɛ hɔn bishopfo (N&A 68:19; 107:69–71).

Dza otsia ebien no, Moses mbra ase no, ɔsɔfo a ɔhwɛ Aaron Asɔfodzi do no wɔfrɛ no ɔsɔfopanyin. Dzibew yi nna wɔahyehyɛ ato hɔ ama abakamba biara a wofi Aaron ebusua no mu, Aaron nankasa a ɔyɛ ɔsɔfopanyin a odzi kan wɔ Aaron nhyehyɛɛ no mu (Ex. 28–29; Lev. 8; N&A 84:18).