Hosanna

Hebrew kasa a n’asekyerɛ nye dɛ “yɛserɛ dɛ gye hɛn nkwa” na yɛkã iyi wɔ ber a yɛdze ndaase rema wɔ ntotɔserɛ mpaabɔ mu.

Ntamadan afahyɛ nda no, dza wodzi dze kaa ber a Ewuradze gyee Israelmba dze hɔn kɔr anohoba asaase do no, nkorɔfo no dze nsɛm a ɔwɔ Ndwom 118 mu no toow ndwom na wohimaa berɛw wɔ wimu. Ewuradze kɛhɛɛn Jerusalem wɔ konyimdzi mu no, nyimpadodow no tseatseaa mu dɛ “Hosanna” na wɔdze berɛw sesɛɛw kwan mu ma Jesus faa do, dɛm na ɔma wɔkyerɛ dɛ wɔtsee ase dɛ Jesus nye dɛm Ewuradze no a ɔgyee Israelmba wɔ tsetseber do no (Ndw. 118:25–26; Matt. 21:9, 15; Mark 11:9–10; John 12:13). Nkorɔfo yinom hun dɛ Christ nye Agyenkwa a wɔatweɔn no akyɛr no. Kasafua Hosanna no abɛyɛ Agyenkwa ne nkamfo dawurbɔ bi wɔ mbersantsen nyina mu (1 Ne. 11:6; 3 Ne. 11:14–17). Hosanna ntseatseamu no kã dza wɔyɛe wɔ ber a worutu Kirtland Temple no ahyɛ Nyankopɔn nsa no ho (N&A 109:79) na ndɛ so abɛyɛ dza sɛ worutu temple biara ahyɛ Nyankopɔn nsa a wɔyɛ no n’afã bi.