Atordzi Hwɛ Daadaa, Ndaadaa; Kasa Bɔn; Nokwar, Nokwardzi iyi so Kasa biara a ebɛkã akyerɛ obi a ɔkyerɛ akohwi ndzii anaa dza ɔnnyɛ nokwar a ebɛkã dze adaadaa. Mma hom nnwia adze nkyii so mma nndzi nkɔnkɔnsa, na obi nntwa ne nyɛnko nkontompɔ, Lev. 19:11. Metan atofosɛm na mikyir, Ndw. 119:163. Ator ano yɛ Ewuradze ekyiwadze, Mbɛ. 12:22. Wɔyɛ mo nkorɔfo a worinndzi ator, Isa. 63:8. Abɔnsam yɛ ɔtorfo nna ɔyɛ atofosɛm n’egya, John 8:44 (2 Ne. 2:18; Ether 8:25; Moses 4:4). Enndzi ator annkyerɛ nyimpa, mbom Nyankopɔn a, Ndwu. 5:4 (Alma 12:3). Sɛ obi kã dɛ, modɔ Nyankopɔn, na ɔtan no nua a, ɔyɛ ɔtorfo, 1 Jn. 4:20. Atorfo nyinara wɔ kyɛfa wɔ owu mprenu no mu, Nyi. 21:8 (N&A 63:17). Ɔtorfo ndue, na wɔbɔtow no akyen hɛl, 2 Ne. 9:34. Dodowara bɛkyerɛkyerɛ ator nkyerɛkyerɛ, ase dɛ: dzi ator kakra, na bɔn biara nnyi mu, 2 Ne. 28:8–9 (N&A 10:25). Ana hom susu dɛ hom botum edzi ator akyerɛ Ewuradze, Alma 5:17. Ɔwo nye Nyame nokwafo na innkotum edzi ator, Ether 3:12 (Nka. 23:19; 1 Sam. 15:29; Titus 1:2; Heb. 6:18; Enos 1:6). Nyia odzi ator na orunnu noho no wobotwa no akyen, N&A 42:21. Atorfo benya telestial enyimnyam, N&A 76:81, 103–106. Yɛgye dzi dɛ ɔwɔ dɛ yedzi nokwar, G ho N 1:13.