Ɔwoarankasa esianka dɛ irinndzidzi na eronnom nsu ama aatwe abɛn Ewuradze na aaserɛ Ne nhyira. Sɛ ankorankor na ekuwekuw kye kɔm a, ɔsɛ dɛ wɔbɔ mpaa so ama woeehu Nyame Ne pɛ na woeetu mpon kɛse wɔ sunsum mu. Akɔnkye yɛ adze bi a agyedzifo nokwafo no taa yɛ.
Ndɛ mber yi, Asɔr no etu Ahomgyeda mu kor wɔ bosoom kor biara mu esi hɔ dze ama akɔnkye. Dɛm aber yi mu, Asɔrmba nndzidzi nna wɔnnom nsu mber kakra ntamu. Nkyii sika a nkyɛ wɔdze bɔtɔ edziban edzi dɛm aber no wɔdze ma Asɔr. Dɛm sika yi wɔfrɛ no akɔnkye afɔrbɔ. Asɔr no dze akɔnkye afɔrbɔ yi boa ehiafo na abɔbɔfo.