Adzesua Mboa horow
Enyido-adzehu a Odzi Kan


Enyido-adzehu a Odzi Kan

Nyame Egya na Ne Ba Jesus Christ yii hɔnho kyerɛɛ Nkɔnhyɛnyi Joseph Smith wɔ kwaa mu.

Afe 1820 fefɛwber mu no, nna Joseph Smith Kakraba wɔ mfe duenum mu. Nna ɔnye n’ebusua tse wɔ Palmyra kurow mu wɔ New York. Kwaa kɛse bi bɛn n’ebusuafie wɔ anee afamu. Joseph kɔr dɛm bea no do dɛ ɔrokɔbɔ mpaa ama Nyankopɔn aama oeehu asɔr horow no no mu dza nna oye. Ber a ɔrekenkan Bible no ohun wɔ mu dɛ otwar dɛ ɔhwehwɛ dɛm mbuae no fi Nyankopɔn hɔ, dɛm asɛm yi tɔɔ no do (James 1:5–6). Ne mpaabɔ ho mbuae no, Egya nye Ɔba no yii hɔnho kyerɛɛ no na wɔsee no dɛ mma ɔnnkɔdɔm asɔr horow a ɔwɔ asaase do dɛm aber no no mu biara, osiandɛ ne nyinara muo (JS—Aba 1:15–20). Dɛm ntɔhunii krɔnkrɔn yi na ɔdze nsɛmasɛma a osisii a ɔdze Asɛmpa na Christ no nokwar Asɔr no ne Nsanananmu no bɛba.