Nkwa Hwɛ Kan, Christ ne Kan; Onnyiewiei Nkwa iyi so Nyankopɔn no tum na ɔma yetum tsena nkwa mu wɔ honam nye sunsum mu. Medze nkwa na papa esi w’enyim ndɛ da yi, Deut. 30:15–20. Ɔwo na ebɛkyerɛ me nkwa no kwan, Ndw. 16:11. Nyia odzi tseneneeyɛ ekyir no onya nkwa, Mbɛ. 21:21. Nyia ohu no nkwa no bɛyew no: na nyia ɔyew no nkwa wɔ me ntsi no, bohu, Matt. 10:39 (Matt. 16:25; Mark 8:35; Luke 9:24; 17:33). Nyimpa Ba no ammba dɛ ɔrebɛsɛɛ adasa hɔn nkwa, mbom dɛ ɔrebɛgye hɔn nkwa, Luke 9:56. No mu na nkwa wɔ, na nkwa no nye nyimpa ne kan, John 1:4. Nyia ɔgye nyia ɔsomaa me no dzi no efi owu mu aba nkwa mu, John 5:24. Emi nye ɔkwan no, nokwar no, nye nkwa no, John 14:6. Sɛ nkwa yi mu nko na yeenya enyidado wɔ Christ mu a, nna nyimpa nyina mu abɔbɔfo nye hɛn, 1 Cor. 15:19–22. Nyamesu wɔ anohoba wɔ nkwa a ɔwɔ hɔ sesei nye nkwa a ɔreba no mu, 1 Tim. 4:8. Ama hɛn mba aahwɛ dɛm nkwa a ɔwɔ Christ mu no kwan, 2 Ne. 25:23–27. Nkwaber yi mu na ɔwɔ dɛ nyimpa siesie hɔnho hyia Nyankopɔn kwan, Alma 34:32 (Alma 12:24). Emi nye wiadze ne kan na nkwa no, 3 Ne. 9:18 (Mosiah 16:9; 3 Ne. 11:11; Ether 4:12). Nhyira akã hɔn a wɔyɛ agyedzifo wɔ nkwa yi anaa owu mu, N&A 50:5. Iyi nye onnyiewiei nkwa—dɛ wobohu Nyankopɔn na Jesus Christ, N&A 132:24. Iyi nye m’edwuma na m’enyimnyam—dɛ medze bɛkyebo na onnyiewiei nkwa bɛbrɛ nyimpa, Moses 1:39.